nepal investment baink

हलिं नेवाः दिवसया लसताय् प्यम्हेसित हन

नेवा: अनलाइन न्युज | ने.सं. ११४४ चिल्लागा खस्थि (२०८० चैत्र १८ गते) आइतवाः

‘झी नेवाः छप्पः छधी जुइनु’ धइगु नारा थ्वयेका शनिवाः यलया गोदावरी लागाय् ७ क्वःगु हलिं नेवाः दिं नापं नेवाः देय् दबू महालक्ष्मी नगर समितिया प्यक्वःगु बुसादँ ज्याझ्वःया ग्वसाः ग्वःगु दु ।

नेवाः देय् दबूया केन्द्रीय नायो पवित्र बज्राचार्यया मूपाहाँसुइ जूगु उगु ज्याझ्वलय् प्यम्हेसित हनेज्या याःगु दु ।

बागमती प्रदेशय् नेपालभाषायात सरकारी कामकाजी भाषाया रुपय् लागू याकेगु नितिं ऐन निर्माणया नितिं जनस्तरपाखें भूमिका म्हितादीम्ह दबूया स्वनिगः विशेष प्रदेशया नायो नापं पत्रकार श्रीकृष्ण महर्जन, नेपाल स्वयंसेवी रक्तदाता समाजया केन्द्रीय नायो नापं आःतकया दुने दक्ले अप्वः १७७ क्वः हिदान यानादीम्ह प्रेमसागर कर्माचार्य, समाजसेवी चन्द्रबहादुर/सुभद्र श्रेष्ठ नापं समाजसेवी रविन्द्रप्रसाद नेमकुलयात हनापौ लःल्हाःगु खः ।

नेवाः देय् दबू महालक्ष्मी नगर समितिया नायो विजय महर्जनया नायोसुइ जूगु उगु ज्याझ्वलय् नेवाः देय् दबू स्वनिगः विशेष प्रदेशया नायो श्रीकृष्ण महर्जन, हि दान यानादीम्ह प्रेमसागर प्रजापति, कानून व्यवसायी नरेश श्रेष्ठ लगायतपिन्सं नेवाः देय् दबू, नेवाःतय्गु समस्यानिसें नेवाःतय्गु थीथी सवालयात कया हाः ल्ह्वनेमाःगु पलाः नापनापं न्हय्क्वःगु हलिं नेवाः दिवसया बारे थःथःगु बिचाः प्वंकादीगु खः ।

Categorized in नेवाः