city axpris 2

हरिशरण सायमिया लसय् ख्यालिजुजु मदनकृष्णया ‘ती नयन शराबी’ शुक्रवाः पिदनीगु

नेवा: अनलाइन न्युज – ललेन्द्र शाक्य | २०८० माघ १७, बुधबार १४:३५:३६

नेपाःया ख्यालिजुजु मदनकृष्ण श्रेष्ठया सलय् खस नेपाली भाषाया ‘ती नयन शराबी’ म्यूजिक भिडियो पिदनीगु जूगु दु ।

नांजाःम्ह संगीतकःमि हरिशरण सायमिया लसय् व संगीत संयोजनय् त्रिविक्रम पाण्डेया च्वसां पिज्वःगु थुगु म्येया सार्वजनिक जुइगु ज्याझ्वः शुक्रवाः तयातःगु दु ।

ने.सं. ११४४ पोहेलागा सप्तमि (२०८० माघ १९ गते) शुक्रवाः न्हिनसिया २ ता इलय् यलया पूच्वय् च्वंगु कर्मचारी संचय कोष, केन्द्रीय ज्याकुथि थुगु म्येया लोकार्पण व सम्मान ज्याझ्वः जुइगु जूगु दु ।

नेपाल राष्ट्रिय कर्मचारी संगठन, कर्मचारी संचय कोषया ग्वसालय् जुइगु थुगु म्येया लोकार्पण व सम्मान ज्याझ्वलय् सकलसित उपस्थितिया नितिं ग्वसाः खलकं इनाप याःगु दु ।

संगीतकःमि हरिशरण सायमिया अनामनगरय् च्वंगु स्ट्रीङ्स रिकर्डिर्डिङ स्टुडियोस रिकर्ड जूगु थुगु म्येय् देकेन्द्र थापा व हरिशरण सायमि पुचः सः बियादीगु दुसा भिडियोया रंग समिश्रण बालकुमार मगरं यानादीगु दु ।

ख्यालिजुजु मदनकृष्ण श्रेष्ठया ‘ती नयन शराबी’ म्यूजिक भिडियो एच.एस. क्रियसनया न्ह्यब्वया खः ।

Categorized in कला