coved ad

हत्या आरोपीयात नेपाल प्रहरीं १७ दँलिपा साउदीं नेपाः हल

नेवा: अनलाइन न्युज – ललेन्द्र शाक्य | २०७८ पौष २९, बिहिबार १७:०२:१९

कर्तव्य ज्यान मुद्दाय् फरार जुयाच्वंम्ह छम्ह आरोपीयात प्रहरीं १७ दँलिपा साउदी अरेबियापाखें ज्वंगु दु ।

उदयपुरया बेलका नगरपालिका ६ या ४० दँया गोविन्द मगरयात नेपाल प्रहरीं अन्तर्राष्ट्रिय अपराध प्रहरी संगठन (इन्टरपोल)या ग्वाहालिं साउदीइ ज्वंगु खः ।

केन्द्रीय प्रहरी प्रवक्ता मुकुन्दराज आचार्यया कथं इन्टरपोलया रेड नोटिसय् लाःम्ह मगरयात साउदीइ ज्वनाः बुधवाः नेपाः हःगु खः । मगरयात १३ मंसीर २०६१ स मानबहादुर तामाङया हत्या याःगु अभियोग लानाच्वंगु खः ।

जिल्ला अदालत उदयपुरं मगरविरुद्ध पक्राउ पूर्जी जारी याःगु खः । इलाका प्रहरी ज्याकुथि रामपुर ठोक्सिलाया इनापय् एनसीबी येँपाखें अन्तर्राष्ट्रिय खोजतलासया नितिं २६ माघ २०७७ स रेड नोटिस जारी याकूगु खः । मगरयात थप कारवाहीया नितिं उदयपुर छ्वःगु प्रहरीं जानकारी ब्यूगु दु ।

घटना जुइधुंकाः संलग्नता सीमदुबलय् गोविन्द मगर बिस्युं वनाः वैदेशिक रोजगारीया नितिं साउदी थ्यंकूगु खः ।

Categorized in दुर्घटना-अपराध