prabhu baink new

स्वास्थ्यया हुनिं जापानया प्रधानमन्त्रीं राजीनामा बिइगु

नेवा: अनलाइन न्युज – ललेन्द्र शाक्य | २०७७ भाद्र १२, शुक्रबार १२:४२:०५

जापानया प्रधानमन्त्री सिन्जो अबें स्वास्थ्यया हुनिं राजीनामा बिइगु जूगु दु । वं राजीनामा बिइत्यंगु जापानया स्थानीय मिडियां सार्वजनिक याःगु खः ।

जापानया टेलिभिजन एनएचकें अबेया राजीनामा वयेत्यंगु जानकारी ब्यूगु खः । ६५ दँया प्रधानमन्त्री अबें थःगु हुनिं सरकारय् समस्या मवयेमा धैगु भावना प्वंकूगु जानकारी ब्यूगु दु ।

प्रधानमन्त्री अबे ८ न्हुया अन्तरालय् निक्वःतक अस्पताल वनेधुंकाः वयात स्वास्थ्यबारे स्पष्ट यायेत धाःगु खः । वं पत्रकार सम्मेलनपाखें उकिया स्पष्ट यायेगु जानकारी ब्यूगु दु ।

जापानया लोकंह्वाःम्ह प्रधानमन्त्री अबेयात छुं दँ थुखे आरुपतिइ समस्या जूगु खः । तर, लिपांगु इलय् थुकिं आपालं हे जटिलता थप याःगु धाःगु दु ।

सन् २०२१ तक प्रधानमन्त्री जुइमाःम्ह अबे दच्छि न्ह्यः हे राजीनामा बिइगु मनस्थितिइ थ्यंगु खः ।

Categorized in अन्तर्राष्ट्रिय