nepal investment baink

स्वर्गद्वारी गुठीया जग्गा जोतभोग यानाच्वपिन्त स्वामित्व बिइगु तयारी

नेवा: अनलाइन न्युज – निश्चल | ने.सं. ११४४ चिल्लाथ्व द्वादसी (२०८० चैत्र ८ गते) बिहिवाः

छु ला न्हयः जिसें दाङय् आन्दोलन यानाच्वपिं स्वर्गद्वारी गुठीपीडित किसानया माग सम्बोधन यायेत न्हूगु एकीकृत गुठीसम्बन्धी कानुनया तर्जुमा यायगु प्रक्रिया याकनं न्ह्याकेगु सहमति जुगु दु । सरकार व स्वर्गद्वारी गुठीपीडित किसान संघर्ष समितिया दथूइ बुधवाः भूमि व्यवस्था, सहकारी व गरिबी निवारण मन्त्रालय जुगु वार्ता लिपा उगु सहमति जुगु खः ।नेपाःया संविधान, २०७२ गुठी सम्बन्धय् याःगु व्यवस्था व्यवस्थित यायेत व स्वर्गद्वारी आश्रमया जग्गाय् च्वनावयाच्वपिं किसानया  मागयात सम्बोधन यायेगु कथं एकीकृत गुठीसम्बन्धी कानुन दयेकेत्यंगु खः ।सरकारी वार्ताटोलीया संयोजक लिसे मन्त्रालयया सहसचिव कृष्णप्रसाद सापकोटां आः जुगु सहमति लिपा संघर्षरत म्ह्यय् किसान तय्गु माग पू वकेगुनितिं प्रक्रिया न्हयाःगु खँ धयादिगु दु ।

स्वर्गद्वारी गुठीया जग्गा दँदँ निसें जोतभोग यानाच्वसा स्वामित्व काये मखंगु धासें पीडित किसानतय्सं फागुन ८ गते निसें दाङय् आन्दोलन यानावयाच्वंगु खः ।

Categorized in राष्ट्रिय