nepal investment baink

स्वयम्भू महाचैत्यय् न्हूगु गजू

नेवा: अनलाइन न्युज – ललेन्द्र शाक्य | ने.सं. ११४४ सिल्लागा नवमी (२०८० चैत्र ५ गते) सोमवाः

नेपाःया नांजाःगु धार्मिकस्थल स्वयम्भू महाचैत्यय् न्हूगु गजू प्रतिस्थापना याःगु दु ।

थौं सोमवाः सुथय् बौद्ध परम्परा कथं येँ, यल, ख्वप, किपूलिसें स्वनिगःया थीथी थासं बिज्याःपिं गुरुजुपिन्सं दशपाल पूजाआजा यानाः थथे स्वयम्भू महाचैत्यय् न्हूगु गजू प्रतिस्थपना याःगु खः ।

अतिकं हे दुर्लभ पूजा कथं कयातःगु उगु धार्मिक ज्याझ्वलय् राष्ट्रपति रामचन्द्र पौडेल झायादीगु खः ।

स्वयम्भू महाचैत्यया गजू वंगु दँया फागुन २९ गते तच्वकं वाफय् वयाः स्यंगू खः ।

थौं दच्छि लिपा हाकनं महाचैत्यय् न्हूगु गजू प्रतिस्थापन याःगु खः ।

स्वनिगःन्यंकं बिज्याःपिं गुरुजुपिन्सं महाचैत्यया न्ह्यःने थीथी कथंया पूजाआजा याःगु दु ।

Categorized in स्थानिय-समाज