prabhu baink new

स्वनिगलय् ४५४ म्हलिसें देय्न्यंकं १३५९ म्हेसिके संक्रमण पुष्टि

नेवा: अनलाइन न्युज – Rakesh Maharjan | २०७७ भाद्र १९, शुक्रबार २१:१२:१७

येँ– वंगु नीप्यघौदुने येँय् ३८६ म्हनापं स्वनिगलय् ४५४ म्हेसिके कोरोना संक्रमण पुष्टि जूगु दु ।

स्वास्थ्य व जनसंख्या मन्त्रालययाकथं ख्वपय् ३६ म्ह व यलय् ३२ म्हेसित संक्रमित पुष्टि जूगु दु ।

मन्त्रालयं ब्यूगु जानकारीकथं वंगु नीप्यघौदुने देय्न्यंकं १३ सय ५९ म्हेसित संक्रमण जूगु दु । थ्व नापं नेपालय् संक्रमितया ल्याः ४४ द्वः २ सः व ३६ म्ह थ्यंगु दु । थौं आःतकया दकलय् अप्वः संक्रमित लूगु खः । थ्वसिबें न्ह्यः बिहीवाः छन्हुं हे १२ सय २८ म्हेसित संक्रमण पुष्टि जूगु खः ।

मन्त्रालयया प्रवक्ता डा. जागेश्वर गौतमया कथं वंगु नीप्यघौदुने थप १४ म्ह कोरोनापाखें सीगु खः । थ्वनापं कोरोना संक्रमणं सीपिनि ल्याः २७१ म्ह थ्यंगु दु ।

अथेहे, प्रवक्ता गौतमया कथं वंगु नीप्यघौदुने १३ सय ५४ म्ह कोरोना लंकाः छेँय् लिहांवंगु दु । थ्वनापं कोरोना ल्वचं लंपिनि ल्याः २५ द्वः न्यासः व ६१ म्ह थ्यंगु दु । 

 

Categorized in नेवाः