prabhu baink new

स्वनिगलय् थौं शुक्रवाः छन्हुं हे ८५९ म्ह कोरोना संक्रमित थप

नेवा: अनलाइन न्युज – ललेन्द्र शाक्य | २०७७ आश्विन २, शुक्रबार १६:४६:३१

स्वनिगलय् थौं शुक्रवाः छन्हुं हे ८५९ म्ह कोरोना संक्रमित थप जूगु दु । 

देय् न्यंकं २०२० म्ह कोरोना पुष्टि जूगुलि स्वनिगलय् जक ८५९ म्ह थप जूगु दु । थुकिं यानाः स्वनिगः कोरोना संक्रमणपाखें जोखिमय् लाःगु दु ।

स्वास्थ्य मन्त्रालयया नियमित पत्रकार सम्मेलनय् प्रवक्ता डा. जागेश्वर गौतमं ११,४५८ म्हेसिगु पीसीआर परीक्षणय् २०२० म्हेसिगु रिपोर्ट पोजेटिभ वःगु जानकारी ब्यूगु दु ।

अथेहे, थौं २४ घौ दुने ८७१ म्ह कोरोना संक्रमणमुक्त जुयाः छेँय् लिहाँ वंगु दु । थौंतक लंकाः छेँय् लिहाँ वनेधुंकूपिनिगु ल्याः ४३,८२० म्ह थ्यंगु दु ।

स्वनिगलय् थप जूपिंमध्ये येँय् ६९८ म्ह थप जूगु दुसा यलय् ७९ म्ह व ख्वपय् ८२ म्ह थप जूगु दु । 

देय् न्यंकं मुक्कं संक्रमितपिनिगु ल्याः ६१,५९३ म्ह थ्यंगु दु ।

Categorized in स्थानिय-समाज