coved ad

स्वनिगलय् आः २५ म्हसिबें अप्वः मुनेमदइगु !

नेवा: अनलाइन न्युज – ललेन्द्र शाक्य | २०७८ पौष २७, मंगलबार १६:१६:५३

आःनिसें स्वनिगःया येँ, यल व ख्वपया सार्वजनिक थासय् २५ म्हसिबें अप्वः मनूत मुनेमदइगु जूगु दु ।

स्वनिगःया स्वंगू जिल्ला येँ, यल व ख्वप जिल्लाया प्रमुख जिल्ला अधिकारीपिनिगु थौं मंगलवाः च्वंगु मुँज्यां अप्वयाः वयाच्वंगु कोरोना संक्रमणयात नियन्त्रण यायेत थुज्वःगु निर्णय याःगु खः ।

थौं मंगलवाःया बैठकं सार्वजनिक थासय् २५ म्हसिबें अप्वः मनूत मुनेगुलि प्रतिबन्ध तयेगु निर्णय याःगु स्रोतं जानकारी ब्यूगु दु ।

थ्वसिबें न्ह्यः सोमवाः गृहमन्त्रालयं सार्वजनिक थासय् २५ म्हसिबें अप्वः मनूत मुनेमदइगु धासें सम्बन्धित जिल्ला प्रशासनयात परिपत्र छ्वःगु खः ।

Categorized in राष्ट्रिय