zero media family planning adv

स्वनिगलं छेँय् वनीपिन्त गां थ्यंकाः बिइगु व्यवस्था यायेत देउवाया आग्रह

नेवा: अनलाइन न्युज – ललेन्द्र शाक्य | २०७७ बैशाख ५, शुक्रबार १५:२६:३६

नेपाली कांग्रेसया सभापति शेरबहादुर देउवां स्वनिगलं छेँय् वनीपिं जनतायात तत्काल सुरक्षित कथं गामय् थ्यंकाः बिइगु व्यवस्था मिलेयायेत आग्रह याःगु दु । देउवां सरकारया कडा आलोचना यासें निमुखाया दर्शक जुक जुयाः मच्वनेत नं धाःगु दु ।

कांग्रेस सभापति देउवां विज्ञप्ति सार्वजनिक यासें धाःगु दु, ‘सरकारय् च्वनाच्वंपिं निमुखापिनिगु कठिन यात्राया दर्शक जक जूगु दु । स्वनिगलं पिने छेँय् वनीपिं उपिं जनतापिन्त तत्काल गाँसबासया प्रबन्ध यानाः सुरक्षित ढंगं गामय् थ्यकाः बिइगु व्यवस्था मिलेयायेत जिं सरकारयाके आग्रह यानाच्वना ।’

देउवां स्वनिगलय् श्रम यानाच्वंपिं नागरिकपिं नयेगु व च्वनेगु व्यवस्था मजूबलय् सलंसः किलोमिटर न्यासि वनाः छेँय् वनाच्वंगु तकं न्ह्यथंगु दु ।

लिपांगु इलय् स्वनिगः त्वःताः गां वनीपिं न्यासि वनाच्वंगु व कष्ट भोगेयानाच्वंगु खबरत सार्वजनिक जुइधुंकाः देउवाया लिपांगु धापू सार्वजनिक जूगु खः ।

Categorized in राजनीति