नेवा: अनलाइन न्युज – ललेन्द्र शाक्य | २०७७ चैत्र २४, मंगलबार १०:०२:१६

आः स्वनिगः दुहाँ वइपिं मनूतय्गु एन्टिजेन जाँच याइगु जूगु दु । येँ जिल्ला संकट व्यवस्थापन समितिया सोमवाः च्वंगु बैठकं स्वनिगः दुहाँ वइपिंमध्ये शंकास्पद मनूया एन्टिजेन जाँच यायेगु निर्णय याःगु खः ।

स्वनिगः दुने कोभिड १९ या संक्रमण अप्वयेके मबिइत एन्टिजेन जाँच यायेगु व नाकाय् हेल्थ डेस्क तयेगु निर्णय जूगु येँ जिल्लाया प्रमुख जिल्ला अधिकारी कालीप्रसाद पराजुलीं धाःगु दु । 

स्थानीय तहयात नाकाय् हेल्थ डेस्क तयाः शंकास्पद मनूतय्गु एन्टिजेन जाँच यायेत निर्देशन बियागु पराजुलीं धाःगु दु ।

लक्षण खनेदुसा वा शंकास्पद जूसा पीसीआर जाँचया नितिं स्वाब मुंकीगु जूगु दु ।

फुक्क नगरपालिकाय् कम्ती नं छगू आइसोलेसन केन्द्र व क्वारेन्टाइन केन्द्र संचालन व व्यवस्थापन यायेगु निर्णय बैठकं याःगु दु ।