zero media family planning adv

स्वनिगःया तापक्रम ५.५ डिग्री, देय् न्यंकं ख्वाउँल

नेवा: अनलाइन न्युज | २०७६ मङ्सिर १९, बिहिबार १०:४६:०२

थीथी जिल्लाय् हुस्सु

स्वनिगःलिसें देय् न्यंकं ख्वाउँगु अप्वःगु दु । स्वनिगलय् थौं बिहिवाः सुथय् ६ः३० ता इलय् मापन याःगु तापक्रम ५.५ डिग्री सेल्सियस जूगु दु । बुधवाःया तुलनाय् थौं बिहिवाः शुन्य दशमलव ३ डिग्री तापक्रम क्वाहाँ वःगु दु । उकिं, थौं सुथय् अप्वः चिकूगु महसुस जूगु खः ।

द्यकले म्हो तापक्रम जुम्लाया माइनस ४ डिग्री मापन याःगु दु । ख्वाउँइगु क्रम जुयातुं च्वनीगु मौसमविद् गंगा नगरकोटीं धाःगु दु ।

तराई मधेसया जिल्लाय् हुस्सु वःगुलिं अन नं ख्वाउँगु महसुस जूगु दु । सुथय् पूर्व, मध्य व पश्चिम तराईया जिल्लाय् हुस्सु कुहिरो वःगु दु ।

हुस्सु व कुहिरोया हुनिं भिजिबिलिटी नं म्हो जूगु दु । थ्व हुस्सु व कुहिरो न्हिनय् बुलुँहुँ चिलाः वनीगु मौसम विज्ञान विभागं जानकारी ब्यूगु दु ।

मौसमविदपिन्सं पश्चिम तराईलय् कैलाली, कञ्चनपुर, बाँके, बर्दिया, दाङ, कपिलवस्तु, रुपन्देही व नवलपुर जिल्लायात तःगु दु ।

अथेहे, मध्य तराईलय् चितवन, पर्सा, बारा, रुपन्देही, सर्लाही, धनुषा व परासी जिल्ला दु । महोत्तरी, सिरहा, सप्तरी, सुनसरी, मोरङ व झापा जिल्ला पूर्वी तराइल्य् लाः ।

वइगु २४ घौता शितलहरया सम्भावना धाःसा मदुगु मौसम विज्ञान विभाग मौसम पूर्वानुमान महाशाखां जानकारी ब्यूगु दु ।

Categorized in राष्ट्रिय