nepal investment baink

स्वगू चरण यानाः बचत लित बिइमाःगु राष्ट्र बैंकया सुझाव

नेवा: अनलाइन न्युज – निश्चल | नेपाल संवत ११४४ दिल्लाथ्व तृतीया (२०८१ असार २४ गते) सोमवाः

नेपाल राष्ट्र बैंकं समस्याग्रस्त सहकारीया समस्या समाधान यायेत बुँदा सुझाव न्ह्यब्वःगु दु ।  सहकारी संस्था बचत रकम दुरुपयोग सम्बन्धय् गठित संसदीय छानबिन विशेष समितिया थौं सोमवाः च्वंगु मुज्याय् गभर्नर महाप्रसाद अधिकारी न्यागू बुँदाआधारय् न्ह्यःने यकाः सहकारी क्षेत्रय् खनेदुगु समस्या समाधान याये फइगु खँ कनादिगु मुज्या लिपा समितिया सभापति सूर्यबहादुर थापां सञ्चारकर्मीयात जानकारी बियादिगु दु ।गभर्नर अधिकारी स्वगू चरणय् बचत लित फइगु योजना न्हयब्वयादिगु खः । वयकःया कथं न्हापांगु चरणय् एक लाख तकया निक्वःगु चरणय् न्यागू लख तकया स्वक्वःगु चरणय् न्यागू लखं अप्वः बचत यानातःगु बचतकर्तातय्गु ध्यवा लित बिइगु खँ न्ह्यथंनादिगु खः ।समिति कन्हय्या मुज्याय् सहकारी विभागया रजिष्ट्रार जुयाः २०४८ लिपा ज्या याःपिं अधिकारीतय्त सःतातःगु दुसा थ्वया लिपाया मुज्याय् सहकारी पीडितत नाप सहलह यायेगु ज्याझ्वः तःगु दु । 

Categorized in राष्ट्रिय