नेवा: अनलाइन न्युज – ललेन्द्र शाक्य | २०७७ मङ्सिर १५, सोमबार १४:०६:३०

नेपाल संवत् न्हूदँ राष्ट्रिय समारोह समिति ११४१ पाखें नेवाः न्ह्यलुवाः भाजु मल्ल के. सुन्दरं च्वयादीगु च्वसू विष्णुमतीइ शंखधरया लुँ स्वनिगःन्यंकं थीथी पत्रपत्रिका पसलय् थ्यंकूगु दु ।

भाजु सुन्दरं खस भासं नयाँ पत्रिका न्हिपतिइ पिथंगु उगु च्वसू नेपाल संवतयात कयाः अध्ययन याइपिन्त बांलाःगु च्वसू जूगुलिं थथे खस भाषालिसें नेपालभाषा व अंग्रेजी भाषा दुथ्याकाः बःचाधंगु सफू कथं पिथंगु खः ।

वंगु ने.सं. कछलाथ्व दसमी शंखधर दिवसकुन्हु येँया जगतसुन्दर ब्वनेकुथिइ जूगु नेपाल संवतया आन्दोलनय् पद्मरत्नया लुमन्ति ज्याझ्वलय् उगु सफू सार्वजनिक याःगु खःसा उगु सफू अध्ययन याइपिनिगु नितिं इनेगु ज्या जूगु खः ।

Categorized in राष्ट्रिय