2565 buddha Jayanti ADV

स्वंगू थप न्हूगु भेरियन्टया नां जिटा–इटा–थिटा तल

नेवा: अनलाइन न्युज – ललेन्द्र शाक्य | २०७८ जेठ २०, बिहिबार १०:४५:४४

विश्व स्वास्थ्य संगठन (डब्ल्यू एच ओ) नं थप स्वंगू न्हूगु भेरियन्टयात ग्रीक अल्फाबेट कथं थीथी नां ब्यूगु दु ।

आः न्हूगु नां ब्यूगु स्वंगू भेरियन्ट अफ कन्सर्न (भीओसी)इ जिटा (पी २), इटा –बी १.५२) व थिटा –पी ३) खः । इमिगु जनस्वास्थ्यय् गुलि लिच्वः लाइ धैगु अध्ययनया हे झ्वलय् दूगु स्वास्थ्य व जनसंख्या मन्त्रालयया प्रवक्रा डा. कृष्ण पौडेलं जानकारी ब्यूगु दु ।

थ्वसिबें न्ह्यः डब्ल्यू एच ओ नं बेलायतय् लुयावःगु भेरियन्टयात  (बी १.१.७) ‘अल्फा’, ब्राजिलय् लुयावःगु भेरियन्टयात (पी. १) ‘गामा’, दक्षिण अफ्रिकाय् लुयावःगु भेरियन्टयात (बी. १.३५१) ‘बेटा’ व भारतय् लुयावःगु भेरियन्ट –बी. १.६१७.२) यात ‘डेल्टा’ नां ब्यूगु दु ।

भारतय् हे लुयावःगु मेगु भेरियन्ट (बी. १.६१७.१) यात कप्पा नां ब्यूगु खः । मन्त्रालयया प्रवक्ता डा. पौडेलं अल्फा भेरियन्ट १६० गू मुलुक, बेटा भेरियन्ट ११३ गू मुलुक, गामा भेरियन्ट ६४ गू व डेल्टा भेरियन्ट ६२ गू मुलुकय् ब्वलंगु धाःगु दु ।

न्हापांगु लहरया कोरोना बाहेक नेपालय् नं गामा व डेल्टा नांया भेरियन्टं तःधंगु लिच्वः लाकूगु डा. पौडेलं धाःगु दु ।

थ्वसिबें न्ह्यः मुकुलकय् उत्पत्ति जूगु आधारय् कोरोना भेरियन्टयात म्हसीकेगु याःगु खः । थीथी देसं थुकी आपत्ति प्वंकेधुंकाः डब्ल्यू एच ओ नं उगु भेरियन्टयात ग्रीक अल्फाबेट कथंया नां ब्यूगु खः ।

Categorized in अन्तर्राष्ट्रिय