नेवा: अनलाइन न्युज – ललेन्द्र शाक्य | ने.सं. ११४४ बछलाथ्व अस्तमि (२०८१ जेष्ठ ३ गते) बिहिवाः

स्लोभाकियाया प्रधानमन्त्री रोबर्ट फिकोयात गोली प्रहार जूगु दु ।

स्लोभाक शहर ह्याण्डलोभाय् सरकारी बैठक क्वचायेकाः पिहाँ वयेगु झ्वलय् प्रधानमन्त्री फिकोयात गोली प्रहार याःगु खः ।

राजधानी ब्राटिस्लाभापाखें थ्यंमथ्यं १८० किलोमिटरया दुरीइ च्वंगु ह्याण्डलोभाय् च्वंगु छगू सांस्कृतिक सामुदायिक केन्द्र न्ह्यःने मनूतलिसे अभिभावदन कालबिल यानाच्वंगु खः । उगु हे इलय् भीडपाखें आक्रमण जूगु खः ।

प्वाः, ल्हाः व तुतिइ घाःपाः जूम्ह प्रधानमन्त्री फिकोयात हेलिकोप्टरपाखें अस्पताल यंकूगु खः । फिकोया फेसबुक पेजय् ब्यूगु जानकारी कथं प्रधानमन्त्रीया अवस्था तच्वः जुयाच्वंगु दु ।

घटनाय् दुथ्याःगु द्वपनय् प्रहरीं छम्हेसित गिरफ्तार तकं याःगु दु ।

Categorized in अन्तर्राष्ट्रिय