nepal investment baink

स्याः मचायेकीगु वासलं ज्या मयात धाःसा छुं याय्गु ?

नेवा: अनलाइन न्युज | २०७३ माघ १, शनिबार १२:०१:१७

सामान्य जीवनय् तःधंगु–चीधंगु घटना वा दुर्घटनात जुया च्वनीगु सामान्य खँ खः । थुज्वःगु हे कथंया छगू दुर्घटना खः गुगुं नं कथंया घाः लाइगु । गुबलें गुबलें घाःया स्याःचाः तसकं अप्वः हे जुइ । थथे जुइबलय् अप्वःसिनं आराम जुइला धकाः स्याः मचाइगु वासः (पेनकिलर) नयेगु याइ । तर थथे स्याः मचाइगु वासः नयाः नं गुलिं स्याःचाःत क्वमलायेफु । यदि छितः नं थ्व समस्या दु, घाः जुयाच्वन, अले स्याःचाः व मना वयाच्वन धाःसा निर्गुंडीया उपयोग यानादिसँ । थुकिया मा विशेषतः तांन्वःगु थासय् यक्व दइ । आयुर्वेदय् धयातःगु दु ः–

सिन्दुकः स्मृति दस्तिक कषायः कटुकोलघु ।
केश्योनेत्र हितोहन्ति शूल शोथाम मारुतान् ।
कृमि कुष्टारुचि श्लेष्व्रणन्नीला हितद्विधा ।।
सिंदुरवारदलं जन्तुवात श्लेष्म हरं लघु ।

थुगु माया नस्वाः तसकं छाः । थुकिया दकलय् अप्वः उपयोग मनावःगु लंकेत याइगु खः । न्ह्याथें जाःगु मनावःगुयात तापाकेगु निंतिं छुं उपायत थुकथं दु ः
१.     निर्गुंडीया हःयात लखय् दायेकादिसँ । उकिं हा वयेवं थलय् जालि तयादिसँ । निकू चिचीकूगु कापः लखय् प्याकाः तिसियादिसँ । तगिं तगिं यानाः छगू धुंकाः मेगू जालिया द्यःने तयाः क्वाकादिसँ । मना वयाच्वंगु वा स्याःगु थासय् तयाः सेकय् यानादिसँ । घाः जूगु, मर्कय् जूगु, जोर्नीत स्याःगु, जँ स्याःगु व ग्याँसया हुनिं जुइगु स्याःचाः तुरुन्त क्वलाइ । कफ, ज्वर व स्येँ मनावःगु लंकेत निगु तःधंगु चम्चां निर्गुंडीया हःया रस व २ ग्राम निनातःगु पिपी ल्वाकछ्यानाः न्हिं निक्वः सुथय् बहनी त्वनादिसँ । हलय् घ्यः तयाः क्वाकाः जन्हुफातय् वा छातीइ चिनादिल धाःसां आराम जुइ ।

२. तू चिकनय् इमू व लाभा क्वयेकाः उगु चिकनं मालिस यात धाःसा न्ह्याथें ज्याःगु स्याःचाः व म्ह स्याःगु लनी ।
३. ख्वःसिंया चिकंया मालिश यात धाःसा ल्हाः–तुति कथिं दाइगु तापाइ ।
४. लाभाया छपु दं न्ह्यये धुंकाः कुल्ला यानादिसँ । थ्व तरिकां छिगु वा स्याःगुयात थ्यंमथ्यं झिगू सेकेण्डं क्वलायेका बी । थ्व तरिकां पुलांपुलांगु स्याःगुयात नं मदयेका बी ।
५. जीयात तावाय् क्वाकाः उकियात निनाः २–३ ग्रामया मात्राय् क्वाःलखय् न्हिं स्वकः नयादिसँ । थुकियात न्ह्ययाः नःसां नं प्वाः स्याःगुली लाभ जुइ ।
६.नेगड़या पुसायात १०० ग्राम निनाः १० पुडी दयेकादिसँ । सुजय् याकनं दनाः घ्यः, चिनि व आँटाया हलुवा दयेकादिसँ । थ्व हलुवाय् नेगडया पाउडरया छगू ब्व तयाः नयाः हाकनं द्यनादिसँ । लः भपिया दी मते । पुलि स्याःगु ल्वय् व सायटिकाय् लाभ जुइ ।
७. इमूयात तावाय् क्वाकादिसँ अले बेचिलिसें चुं यानाः पाउडर दयेकादिसँ । थ्व चुं नल धाःसां प्वाः स्याःगु लनी ।
८. २–३ ग्राम इमूयात क्वाःलखय् न्हिं स्वक्वः त्वन धाःसा प्वाः स्याःगु लनी ।
९. हलुखय् भतिचा चि ल्वाकछ्यानाः ख्वाउँगु लखय् छानाय् यानाः त्वनादिसँ। थुकिं प्वाः स्याःगुली तुरुन्त आराम जुइ ।
१०. यदि एसिडिटीया हुनिं प्वाः स्यानाच्वंगु खःसा लखय् भतिचा चाकु सोडा तयाः त्वनादिल धाःसा लाभ जुइ ।