coved ad

स्मार्ट लकडाउन यायेगु विषयस स्वनिगःया सिडिओपिनिगु बैठक

नेवा: अनलाइन न्युज – ललेन्द्र शाक्य | २०७८ पौष २७, मंगलबार १२:१७:३९

कोरोना संक्रमण अप्वयेधुंकाः उकिया बारे सहलह ब्याकेत थौं मंगलवाः स्वनिगःया प्रमुख जिल्ला अधिकारीपिनिगु बैठक च्वंगु दु ।

कोभिड १९ संकट व्यवस्थापन समन्वय केन्द्र (सीसीएमसी)या सिफारिसया आधारय् गृहमन्त्रालयं स्मार्ट लकडाउन यायेगु अधिकार प्रमुख जिल्ला अधिकारीपिन्त ब्यूगु दु ।

मंगलवाः न्हिनय् येँ, यल व ख्वपया प्रमुख जिल्ला अधिकारीपिन्सं उकिया बारे सहलह ब्याकेत्यंगु खः ।

सुरक्षा विज्ञपिंलिसे सहलह यानाः मंकाः धारणा तयार यायेगु यलया प्रमुख जिल्ला अधिकारी घनश्याम उपाध्यायं धाःगु दु । वया कथं संक्रमणया दर अप्वःगु जूगुलिं मन्त्रालयलिसे समन्वय यानाः गुकथं न्ह्यःने वनेगु धैगु विषयस मंगलवाःया बैठकं निर्णय याइ ।

Categorized in राष्ट्रिय