1142 nhoo dan adv

स्मार्टफोनय् ब्याट्री यक्व ई तुइकेगु तरिका वल

२०७२ चैत्र ७, आइतबार ११:३१:३९

स्मार्टफोन चलेयाइपिनिगु आपालं खँ पिदनी थःगु स्मार्टफोनया ब्याट्री न्हिच्छिया नितिं तकं ब्याट्री मतू ।

गुबलें गुबले ला स्मार्टफोनया ब्याट्री स्यनाः जक मखु कि झीगु स्मार्टफोन चले यायेगु तरिका मिले मजुइगुलिं नं ब्याट्रीया चार्ज स्वात्त हे फुइगु जुइगु खः । उकिं फोन छ्यलेगुया तरिकाहिलेबलय् छिगु थःगु फोनया ब्याट्रीइ सुधार हयेफइ ।

स्मार्टफोनय् इन्टरनेट चले यायेबलय् झीसं गुगु डाटा छ्यलाच्वनागु खः उकिया फाइदा लबः चुपचाप विज्ञापनदाता कम्पनीपिन्सं नं कयाच्वंगु दइ ।

गबलें छिं छगू एप निःशुल्क डाउनलोड यानादी उगु इलय् एपलिसें वइगु विज्ञापन नं स्वये हे माःगु जुइ । व थुज्वःगु विज्ञापन खः गुकिं छिगु डाटा छ्यलाः स्मार्टफोनय् डाउनलोड जुइ ।
गुलि गुलि स्मार्टफोनय् थुज्वःगु विज्ञापनतय्गु ल्या अप्वयाच्वनी विज्ञापन ब्लक यायेगु कथंया सफ्टवेयरया छ्यलाबुला नं अप्वयाच्वनी ।

"यदि छिसं ताःईतक मोबाइल चले यानादिल धाःसा थुज्वःगु सफ्टवेयरया छ्यलाबुला अतिकं लाभदायी जुइ व थुकिं छिगु स्मार्टफोनया ब्याट्रीया चार्ज यक्व तुइकेत अतिकं तःधंगु ग्वाहालि जुइ । विज्ञापन ब्लक यायेगु सफ्टवेयर छ्यलाः इन्टरनेट चलेयाये बलय् ब्याट्री खपत ५० प्रतिशतं म्हो जुइगु अध्ययनं निष्कर्ष पिकाःगु दु ।"

 

यदि छिसं विज्ञापन ब्लक यायेगु एप डाउनलोड यानादिल धाःसा मोबाइलय् इन्टरनेट चले यायेबलय् डाटाया खपत म्हो जुइगु जक मखु स्मार्टफोनया ब्याट्री नं न्हापासिबें यक्व तुइ ।

दी वायरकटरया छगू रिपोर्ट कथं विज्ञापन ब्लक यायेगु सफ्टवेयरया छ्यलाबुलापाखें स्मार्टफोनया ब्याट्री प्रभावकारी रुपं वचत यायेफइ । उगु रिपोर्टय् एन्ड्रोइड व आइफोनय् थुज्वःगु सफ्टवेयर डाउनलोड यायेन्ह्यः व डाउनलोड यायेधुंकाःया ब्याट्रीया अवस्थाया विषयस विश्लेषण यानातःगु दु ।

यदि छिसं ताःईतक मोबाइल चले यानादिल धाःसा थुज्वःगु सफ्टवेयरया छ्यलाबुला अतिकं लाभदायी जुइ व थुकिं छिगु स्मार्टफोनया ब्याट्रीया चार्ज यक्व तुइकेत अतिकं तःधंगु ग्वाहालि जुइ । विज्ञापन ब्लक यायेगु सफ्टवेयर छ्यलाः इन्टरनेट चलेयाये बलय् ब्याट्री खपत ५० प्रतिशतं म्हो जुइगु अध्ययनं निष्कर्ष पिकाःगु दु ।

विज्ञापन ब्लक यायेगु एपतय्गु विषयस थौंकन्हय् अनलाइन दुनियाय् अतिकं बहस न्ह्यानाच्वंगु दु । थुज्वःगु कथंया एपतय्गु छ्यलाबुला जुइधुंकाः बांलाःगु कथंया वा पठनीय हलंज्वलंतपाखें तकं विज्ञापन दातां बांलाःगु कमाइ यायेगु पाखें वञ्चित जुइमाःगु दु ।