zero media family planning adv

स्पाम इमेल पनेगु गुकथं

नेवा: अनलाइन न्युज | २०७२ भाद्र ४, शुक्रबार १५:०६:२४

थौंकन्हय् बजारय् एण्ड्रोइड फोनया छ्यलाबुला तसकं अप्वः जुयाच्वंगु दु । थुज्वःगु फोन छ्यलेबलय् थीथी एप छ्यलेगु निंतिं छगू जीमेल एकाउण्ट अनिवार्य चायेकेमाः वा दुगु एकाउण्टयात रजिस्टर यायेमाः । थुगु जीमेल एडे«सपाखें छिं गूगलया फुक्क सेवा कायेखनी तर एप्सं छिगु जानकारी नं ट्राय्क याइ । थथे जूगुलिं छिगु ईमेल इनबक्सय् वइगु स्पाम इमेलपाखें छितः भचा समस्या ब्वलंकेफु । छिं एण्ड्रोइड छ्यला हे मदीसां नं ईमेल छ्यलेबलय् वइगु स्पामपाखें दिक्क याःगु जुइफु । 

स्पाम मेलय् थीथी कथंया ज्वलंत न्यायेत इनाप यानाः मेल वइ, गुगु झीत माःगु ज्वलं मजुइफु । 

थथे म्हमस्यूगु व थम्हं मययेकागु ईमेल पनेत ‘अनरोल मी’ नांया सेवां छितः ग्वाहालि यायेफु । ‘अनरोल मी’ थःगु ईमेलयात रजिस्टर यानाः छिगु इनबक्सयात स्क्यान याइ ताकि छिं न्यूजलेटर, स्पाम आदि हुनिं समस्या जुइ ।

गुलि नं स्पाम ईमेल दु, उकियात ‘अनरोल मी’या सूचीइ तयाबियादिसँ, थुकिं छिगु थःगु समस्याया हल जुइ । 

मेलड्रपं छिगु निंतिं छगू ईमेल आईडी दयेकाबी, थुकियाछ छ्यलाः छिं गुगु नं वेबसाइटय् रजिस्टर यानादीफु । 

थ्व ईमेल पासवर्ड म्वाःगु जुइ । छितः गुबले ईमेल छ्यलेमाली, छिं लगइन यानादीफइ । 

छिं छगूस्वयां अप्वः ईमेल तयादीफइ । खतुं, न्यूजलेटर व मेमेगु साइटय् छ्यलेगु निंतिं छगू मेगु ईमेल आईडी दयेके फइ । 

थःगु ईमेल एड्रेस अन बियादीमते गन व माली मखु । यदि गुगुं वेबसाइटय् रजिस्टर यायेमाःसा उकिया निंतिं मेगु छुं ईमेल आईडी छ्यलादिसँ ।