zero media family planning adv

स्थानीय सरकारया बजेटय् कोरोनाया प्रभाव

नेवा: अनलाइन न्युज | २०७७ जेठ १९, सोमबार २०:२१:२२

चालू आर्थिक वर्षया बजेटया लिपांगु डेढ महिना ल्यं दनीबलय् बागलुंगया फुक्कं स्थानीय तह वइगु बजेटया नीति कार्यक्रम व बजेटया तयारीइ जुटे जुयाच्वंगु दु । संघीय सरकारपाखें वइगु अनुदान सीदये धुंकाः प्रदेश सरकारं विनियोजन यानातःगु बजेट लनेगुलि स्थानीय सरकार दु । संघीय सरकारया राजश्व बाँडफाँड शीर्षकया अनुदान धाःसा अझ क्वछिगु मदुनि । छुं दिन लिपा प्रदेश सरकारया अनुदान व संघीय सरकारया राजश्व बाँधफाँड अनुदान कोष नापं क्वछिनी । गुकिया कारणं स्थानीय सरकारयात बजेट दयेकेत अःपुइ । तर थ्व इलय् धाःसा बजेटया सिलिंग चूलाके धुंकूगु स्थानीय सरकारं व हे लिधंसाय् आन्तरिक तयारी यायेधुंकूगु धाःगु दु । संघीय सरकारपाखें चालू आर्थिक वर्ष स्वयां यक्वः अनुदान मलाःगु थ्व जिल्लाया स्थानीययात आन्तरिक श्रोतया बृद्धिइ धाःसा हाथ्या खने दयाच्वंगु दु । बाग्लुंगया स्थानीय तहलय् वइगु आर्थिक वर्षया संघीय सरकारपाखें ३ अर्ब ५७ करोड ९८ लाख बजेट दइ । थनया स्थानीय तहलं वंगु दँ स्वयां छुं अप्वः अनुदान चूलागु खँ धाःगु दु । तर आन्तरिक श्रोत बृद्धिया लागिं धाःसा कोरोना भाइरसया कारणं जुयाच्वंगु लकडाउन बाधक जुयाच्वंगु स्थानीय तहया धापू दु । संघीय सरकारं छ्वायाहःगु बजेट सशर्ट अनुदान अप्वः जूगुलिं चालू आर्थिक वर्षया तुलनाय् वइगु आर्थिक वर्षय् आर्थिक गतिविधि अप्वः जुइगु कारणं स्थानीय सरकारयात आन्तरिक स्रोत बृद्धिइ कठिन जुइगु काठेखोला गाउँपालिकाया प्रमुख प्रशासकीय अधिकृत खिमबहादुर विश्वकर्मां कनादिल । चालू आर्थिक वर्षया आन्तरिक राजश्व रु. ३१ लाख ५० हजार अनुमान जूगु खः, थ्व वर्ष लक्ष्यय् थ्यने मफुत, विकं धयादिल । वइगु दँय् ४० लाख थ्यंकेगु लक्ष्य खः । तर झीगु स्रोत अप्वः मजुइगु स्पष्ट जुल । विकास निर्माणया ज्या अप्वइबलय् आन्तरिक श्रोत अप्वइगु खः । सिफारिस लगायतया ज्याय् गाउँपालिकां काइगु शुल्कं स्रोत अप्वइगुकीगु खः तर फुक्कं थें ज्या पनातःगुलिं लक्ष्यय् थ्यनीगु सम्भव मदुगु वय्कलं कनादिल । जिल्लाया फुक्कं स्थानीय तह मध्ये दक्कलय् अप्वः आन्तरिक श्रोत दुगु बाग्लुंग नगरपालिकाया खः । थ्व नगरपालिकां चालू आर्थिक वर्षय् एक अर्व स्वयां च्वय्या बजेट हःगु खः । गुकि १२ करोड २८ लाख आन्तरिक स्रोत खः । घरबहाल कर, ल्वहं, गिटी, फि, जग्गा रजिष्टेशन पास लगायतया शीर्षकय् थ्व नगरपालिकाय् आन्तरिक राजश्व संकलन जुइ । लकडाउनया कारणं बन्द जुयाच्वंगु ब्यवसायीं घरबहाल छुट माग यानाच्वंगु दु । लकडाउनया कारण बन्द जुयाच्वंगु ब्यवसायीं घरबहाल छुट माग यानाच्वंगु दु । जग्गाया कारोबार ठप्प जुयाच्वंगु दु । विकास निर्माणया ज्या नं विचाः यानाथें मजूगु कारणं गिटी बालुवाया ब्यापार मदु गुकिं याना आर्थिक वर्षय् ठेक्का काइपिं नं तयार मदु । ठेक्काय् वंसा नं म्हो मूल्यय् वन धकाः आन्तरिक स्रोतय् कमी जुइगु नगरपालिकाया अनुमान दु । जिल्लाया जैमिनी नगरपालिकां चालू आर्थिक वर्षय् रु. ७१ लाखया आन्तरिक राजश्व संकलन अनुमान याःगु खः । तर जेठया आधा महिना फुये धुंकानं लक्ष्यय् थ्यंकेगु संकेत मदुनि । वइगु आर्थिक वर्षया लागिं ७७ लाख अनुमान यानाःगु प्रमुख प्रशासकीय अधिकृत ईश्वरीप्रसाद शर्मां कनादिल । आन्तरिक स्रोतया ब्यवस्थापनय् तसकं हे कठिन घडी वःगु पालिका प्रमुखतय्सं कन । संघीय सरकारया बजेट ब्रेक डाउन वये मधुंकूनिगुलिं यानाः छु शीर्षकय् गुलि बजेट वल धइगु विषय धाःसा क्वछिउगु मदुनि । संघं छ्वयाहःु समानीकरण, विशेष व समपुरक अनुदान स्थानीय तहलं थः अनुकूलया योजनाय् खर्च याये दइसा सशर्ट अनुदानया धाःसा संघीय सरकारं हे बजेट ब्रेक डाउन यानालिं सीदइ । आन्तरिक बजेट अप्वयेके मफुत धाःसा स्थानीय तहयात अप्वःगु बजेट खर्च ब्यवस्थापनय् कठिनाइ जुइगु निसिखोला गाउँपालिकाया प्रमुख प्रशासकीय अधिकृत ईश्वरलाल शाक्यं कनादिल । अर्थमन्त्री डा. युवराज खतिवडां संघीय संसदय् बजेट प्रस्तुत यासें वइगु आर्थिक वर्ष २०७७।७।८ कुन्हुया लागिं बाग्लुंगयात समानीकरण, सशर्त, विशेष व समपुरक अनुदान याना ती अर्ब ५७ करोड ९८ लाख बजेट विनियोजित याःगु जानकारी बियादिल । थ्व रकम वंगु वर्षया स्वयां अप्वः खः । सरकारं जिल्लाया प्यंगू नगरपालिका मध्ये दक्कलय् अप्वः बाग्लुंग नगरपालिकायात रु. ६६ करोड ८१ लाख बजेट विनियोजन याःगु दुसा खुगू गाउँपालिका मध्ये कठेखोला गाउँपालिकायात रु. ३९ करोड ९८ लाख विनियोजन याःगु दु । चालू आर्थिक वर्षय् वाग्लुंगं ६४ करोड स्वयां अप्वः काठेखोला गाउँपालिकां रु. ३७ करोड स्वयां अप्वः अनुदान चूलाकूगु दु । निगुलिं पालिकाया अनुदान अप्वःगु दु । अथे हे ढोपाटन नगरपालिकायात वइगु आर्थिक वर्षया लागिं रु. ३० करोड ४७ लाख बजेट विनियोजन याःगु दु । गाउँपालिकापाखे दक्कलय् म्हो तमानखोला गाउँपालिकायात रु. ६१ करोड ७१ लाख बजेट विनियोजन याःगु दु । तमानं वंगु आर्थिक वर्षय् नं रु. १६ करोड २५ लाख चूलाकूगु खः । तर थ्व दँया राजश्व बाँडफाँडया अनुदान वये धाःसा ल्यं दनि । अथेहे, सरकारं जैमिनी नगरपालिकायात रु. ४७ करोड १० लाख, गल्कोट नगरपालिकायात रु. ४४ करोड ४६ लाख, बडि  गाडगाउँपालिकालाई रु. ३८ करोड ६ लाख, निसीखोला गाउँपालिकालाई रु. २६ करोड ६५ लाख, बरेङ गाउँपालिकालाई रु. २५ करोड ८६ लाख र ताराखोला गाउँपालिकालाई रु. २१ करोड ८८ लाख बजेट विनियोजन गरेको छ । चालू आवय् जैमिनीं रु. ४६करोड, गलकोटं रु. ३६ करोड, निसीखोलां रु. २८ करोड, बरेङं रु. २६ करोड व ताराखोलां रु. २२ करोड स्वयां अप्वः अनुदान चूलाकूगु दु । प्रदेश सरकारं बिइगु अनुदान, सामाजिक सुरक्षा भत्ताया लागिं वइगु अनुदान नापं स्वाकाः आर्थिक वर्षया बजेट दयेकी । वंगु दँया आकार स्वयां थ्व बजेटया आकार अप्वइ तर आर्थिक गतिविधिइ बजेट फुइगु सम्भावना दु । बरेड गाउँपालिकाया प्रमुख प्रशासकीय अधिकृत रमेश थापां धयादिल, शिक्षा व स्वास्थ्य लागाय् बजेट अप्वःगु दु । 

साना तथा घरेलु उद्योग सञ्चालनय् दुगु बाग्लुंगय् लकडाउनं प्रभाव  लाकूगु दु । कृषिजन्य उत्पादनलिसें स्वानाच्वंगु चिचिधंगु घरेलु उद्योगया उत्पादन नापं पनातःगु व बजारिकरण नापं ठप्प थें जुयाच्वंगुलिं उकिया लिच्वः नापं स्थानीय सरकारया बजेटय् लाइगु अर्थबिद्तय्सं कनादिल । राजश्वय् कमी वःसां कृषि उत्पादनय् धाःसा बृद्धि जुइगु खनेदुगु दु । न्हापा बांझे जुयाच्वंगु गुलिं जमीनय् खेती सुरु जूगु दु । काठेखोला गाउँपालिका ८ या अध्यक्ष चित्रकला छत्याल श्रीषं धयादिल, बजारया अभाव मजुल धाःसा आम्दानीलिसें किसान स्वाइ । 

लकडाउनया उपयोग यानाः याःगु उत्पादनपाखें पालिकाया बजेटय् स्वायेत धाःसा ई काइगु खनेदु । किसान व चिधंपिं उद्योगीयात प्रोत्साहन जुइगु कथंया बजेट दयेकेत स्थानीय सरकारयात दबाब दु । आः सरकारं बुझे यायेमाः लगानी गन यायेगु धइगु बारे । जैमीनी नगरपालिकाया कृषि प्राबिधिक रविन्द्र शर्मां धयादिल, नगदेवाली फलफूल बाली व बजारय् तत्काल बिक्रि यानाः आन्दानी यायेगु कथंया कृषि उपजया उत्पादनय् लगानी याये आवश्यक जू । जिल्लाय् बाग्लुंग नगरपालिका बाहेकया गुगुलिं आन्दानी करोड स्वयां कम जुइ । दक्कलय् म्हो राजश्व वइगु संकलन जुइगु काठेखोला गाउँपालिकाय् खः । सिफारिस च्वःगु व छुं ब्यापार ब्यवसायय् लगे यानातःगु कर बाहेक थ्व गाउँपालिकालिसें मेगु स्रोत मदु । गलकोट, जमिनि, ढोरपाटन नगरपालिकाले छुं घरबहाल कर उठे याइसा छुं खोला व नदी जन्य पदार्थया उत्पादनपाखें वःगु रकमपाखें करं थःपिनि आन्तरिक राजश्वया कर अप्वयेकूगु दु । ब्यापार ब्यवसायय् नं कर अप्वयेकेगु वा डायरा अप्वयेकेगु अवस्था मदुगु बरेंग गाउँपालिकाया अध्यक्ष कृष्णप्रसाद शर्मां कनादिल । वय्कलं धयादिल, सकसितं राहत जुइगु कथंया ज्याझ्वः हयेमाः । भर परे जुइगु छुं ज्याझ्वः मवः । स्थानीय उत्पादन पिनेया बजार मवनीगु जूगुलिं नं थनया स्थानीय तहयात राजश्व संकलनय् हाथ्या दु । बैदेशिक रोजगारी व पढाईया लागिं आवश्यक कागजात तयार यायेबलय् लगे जुइगु शुल्क, बसाईं सराईया कागजात अप्वइबलय् काइगु शुल्कय् नं कमी वइगु स्थानीय तहया आंकलन दु । जग्गाया कारोबारय् नापं कोरोनाया कारणं ठप्प अर्थतन्त्रया लिच्वः खने दइगुलिं यानाः कमी वइगु स्थिति दु । फुक्कं ब्यवसायय् कमी जुइगु जूगुलिं स्थानीय सरकारया राजश्व म्हो जुइगु खने दुसा बेटया आकारया कार्यान्वयनय् तकं प्रभावित याइगु निश्चित दु । –रासस

 

 

 

Categorized in बिचा: