nepal life 2076 3 18

स्थगित जुल एसियन मिसा भलिबल च्याम्पियनसिप

नेवा: अनलाइन न्युज – ललेन्द्र शाक्य | २०७८ श्रावण २६, मंगलबार १२:१०:३२

थ्वहे अगष्ट २९ निसें सेप्टेम्बर ४ तक फिलिपिन्सय् जुइगु धाःगु २१ क्वःगु संस्करणया एसियन सिनियर मिसा भलिबल च्याम्पियनसिप स्थगित जूगु दु ।

नोवेल कोरोना भाइरस कोभिड १९ महामारीया हुनिं फिलिपिन्स नेशनल भलिबल फेडरेसनं च्याम्पियनसिप स्थगित याःगु खः ।

फिलिपिन्स सरकारं यानातःगु लकडाउनया हुनिं फिलिपिन्स नेशनल भलिबल फेडरेसनं च्याम्पियनसिप स्थगित याःगु नेपाल भलिबल संघया महासचिव जितेन्द्र बहादुर चन्दं सुचंपाखें जानकारी ब्यूगु दु ।

एसियन भलिबल कन्फेडरेसनं फिलिपिन्स भलिबल फेडरेसनयात अक्टोबर लिपांगु वाः च्याम्पियनसिप यायेगु नितिं सुझाब ब्यूगु नं चन्दं न्ह्यथंगु दु । तर सहभागी टिमया कोभिड १९ या अवस्था स्वयाः जक थुकियाबारे निर्णय जुइगु चन्दं जानकारी ब्यूगु दु ।

नेपालं नं सुरुइ उगु च्याम्पियनसिपय् धेंधेंबल्ला यायेगु धाःसां नं कोभिडया हुनिं प्रवेश निषेध जूगुलिं नेपाः च्याम्पियनसिप म्हितेगुपाखें बञ्चित जूगु खः ।

एसियन भलिबल कन्फेडरेसन (एभीसीं) थ्वसिबें न्ह्यः हे सार्वजनिक याःगु ड्र कथं च्यागू राष्ट्रं जक म्हितीगु क्वःज्यूगु दु ।

नेपाःयात धाःसा मेगु संस्करणय् सहभागी याकेगु एभीसीं जानकारी ब्यूगु दु ।

Categorized in कासा