nepal life 2076 3 18

स्टार कासामि पारस खड्कां अन्तर्राष्ट्रिय क्रिकेटपाखें सन्यास कायेगु घोषणा

नेवा: अनलाइन न्युज – ललेन्द्र शाक्य | २०७८ श्रावण १९, मंगलबार ०९:३३:३४

राष्ट्रिय क्रिकेट टिमया पुलांम्ह कप्तान स्टार कासामि पारस खड्कां अन्तर्राष्ट्रिय क्रिकेटपाखें सन्यास कायेगु घोषणा याःगु दु ।

नेपाःया नितिं म्हितागु हे थःगु जीवनया सर्वश्रेष्ठ उपलब्धी खः धासें खड्कां क्रिकेट यात्राय् साथ, समर्थन, माया मतिना व हःपाः तिबः ब्यूपिं फुक्कप्रति ऋणी जुइगु जानकारी ब्यूगु दु ।

स्टार क्रिकेटर खड्कां मैदान दुनेया निगू दशक जीवन दत्तले ल्वःमंकेमफइगु अविष्मरणीय लुमन्तिया रुपं थः दुने दयाच्वनीगु धासें नेपाली क्रिकेटयात फुक्क जानाः न्हूगु उचाइस थ्यंकेगु विश्वास तकं प्वंकूगु दु ।

अन्तर्राष्ट्रिय क्रिकेटरया रुपं यात्रा क्वचाःसां नं नेपाली क्रिकेटया नितिं थःगु म्हगस अझ नं क्रियाशील जुइगु खड्काया धापू दु ।

सन् २००२ निसें क्रिकेट यात्राया सुरुआत याःगु खः । यू १५ पुचःपाखें क्रिकेट म्हितूम्ह पारस खडकां सन् २००९ निसें २०१९ तक नेपाली राष्ट्रिय पुचःया नेतृत्व याःगु खः ।

खड्कां राष्ट्रिय टिमया क्याप्टेनपाखें १५ अक्टोबर २०१९ स राजीनामा ब्यूगु खः । खड्काया हे कप्तानीपाखें नेपाली क्रिकेटया आपालं आपा प्रगति जूगु दु ।

Categorized in कासा