coved ad

स्कूलय् हाकनं अनलाइन कक्षा न्ह्याकेगु तयारी

नेवा: अनलाइन न्युज – ललेन्द्र शाक्य | २०७८ पौष २६, सोमबार १६:०७:०८

कोरोना भाइरसया जोखिमयात ध्यानय् तयाः सरकारं स्कूलत बन्दया निर्णय याःगु दु । पुस २७ गतेनिसें माघ १५ गतेतक देय् न्यंकंया स्कूलत बन्द यायेगु निर्णय शिक्षा मन्त्रालयं याःगु दु ।

स्कूलत भौतिक रुपं बन्द जूसां नं गुलिंगुलिं स्कूलं अनलाइन कक्षा संचालनया तयारी याःगु दु । संक्रमणया जोखिम अप्वयाः स्कूल बन्दया निर्णय ताःहाकः जुइफूगु जूगुलिं अनलाइन कक्षा संचालनय् गुलिखे स्कूलत थ्यंगु दु ।

विशेष यानाः स्वनिगःलिसेंया सहरी क्षेत्रया स्कूलतसें अनलाइन कक्षा संचालन यायेत्यंगु खः । विगतय् नं अनलाइन कक्षा संचालन जूगु खः ।

अथेहे, कोरोना संक्रमणं शिक्षा क्षेत्रय् हाकनं तःधंगु लिच्वः लाकेफूगु खनेदूगु दु । विगतय् लकडाउनं शैक्षिक संघसंस्थत धराशायी जूगु खः । गुलिखे स्कूल सदांया नितिं बन्द जूगु दु । शिक्षकपिं द्वलंद्वःया ल्याखय् बेरोजगार जूगु दु ।

Categorized in राष्ट्रिय