1142 nhoo dan adv

सोमवाःनिसें सार्वजनिक सवारीया भाडा थाहाँ वन

नेवा: अनलाइन न्युज – ललेन्द्र शाक्य | २०७८ कार्तिक १, सोमबार १५:०३:१४

३ नम्बर बागमती प्रदेश सरकारं थकाःगु सार्वजनिक सवारी साधनया भाडा थौं सोमवाःनिसें लागू जूगु दु । प्रदेश सरकारया भौतिक पूर्वाधार विकास मन्त्रालयं थौं सोमवाःनिसें लागू जुइगु कथं न्हूगु भाडादर क्वःछ्यूगु खः ।

वकथं आः स्वनिगलय् सार्वजनिक यातायातय् च्वनेखतं १८ तका दां भाडा पुलेमालीगु जूगु दु । थ्व भाडादर ५ किलोमिटरतक लागू जुइ ।

अथेहे, १० किलोमिटरतक २३ तका, १५ किलोमिटरतक २७ तका, २० किलोमितरटक ३० तका व २० किलोमिटरसिबें च्वय् ३५ तका भाडा तुइगु जूगु दु ।

अथेहे, स्वनिगः बाहेक साविकया भाडादरय् प्रतिशत बृद्धि याःगु दु । थ्व भाडादरय् यात्रां १५ किलोतक निःशुल्क व वसिबें च्वय् १० केजीतक प्रतिकेजी ५ तकाया दरं सरसामान वा गुन्टा यंकेफइ ।

Categorized in बजाः