Header Nepal rastra bank Adv

सेन्ट्रल जोन मिसा भलिबलय् नेपाःया मदिक्क निगूगु कासा त्याकल

नेवा: अनलाइन न्युज – ललेन्द्र शाक्य | २०७८ पौष ९, शुक्रबार १२:५१:३१

बंगलादेशया ढाकाय् जुयाच्वंगु एसियन सेन्ट्रल जोन भलिबल च्यालेञ्ज कपया मिसापाखे नेपाली टोलीं मदिक्क निगूगु कासा त्याकूगु दु ।

शुक्रवाः जूगु कासाय् नेपालं माल्दिभ्सयात सोझो सेटय् बुकूगु खः । एकपक्षीय थें जूगु कासाय् साविक विजेता नेपालं माल्दिभ्सयात २५–११, २५–९, २५–५ सेटं बुकूगु खः ।

निगूगु कासा त्याकेधुंकाः ५ ल्याः मुंकाः अंक तालिकाय् शीर्ष स्थानय् दु नेपाल । नेपालं न्हापांगु कासाय् श्रीलंकायात ३–२ या सेटय् त्याकूगु खः ।

खुगू राष्ट्र सहभागी कासाय् राउण्ड रोविन लिग लिपा शीर्ष निगू टोलीं बिजं कासा (फाइनल कासा) म्हिती ।

नेपालं थःगु स्वंगूगु कासा घरेलु टोली बंगलादेशलिसे म्हिती ।

Categorized in कासा