nepal investment baink

सेती नदीं चुइकाः छम्ह बेपत्ता

नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व चतुर्थी (२०८१ असार २६ गते) बुधवाः

खुसिबालं चुइकाः हःगु दाउरा सेती नदीपाखें लिकायेगु झ्वलय् थौं बुधवाः सुथय् छम्ह बेपत्ता जूगु दु ।

जिल्ला प्रहरी ज्याकुथिया कथं ब्यास नगरपालिका १ भादगाउँया ५५ दँया तालबहादुर थापा छाब्दी खुसि दोभानय् खुसिबालं चुइकाः हःगु दाउरा सालाच्वंगु इलय् खुसिइ बेपत्ता जूगु खः ।

ज्याकुथिया प्रहरी नायब उपरीक्षक दीपककुमार राय नं थापाया मालेगु ज्या जुयाच्वंगु जानकारी ब्यूगु दु ।

खुसिबालं चुइकाः हःगु दाउरा लिकायेत खुसि सिथ जःखःया मनूतय्गु भीड जुइगु जुयाच्वंगु दु ।

Categorized in दुर्घटना-अपराध