nepal investment baink

सूचना प्रविधि विकासय् मिसापिनिगु सशक्तिकरणया नितिं ज्याझ्वः जुइगु

नेवा: अनलाइन न्युज – ललेन्द्र शाक्य | ने.सं. ११४४ सिल्लागा पंचमी (२०८० फागुन १७)

अन्तर्राष्ट्रिय मिसा दिवस २०२४ या लसताय् वुमन इन इन्फर्मेशन टेक्नोलोजी (डब्ल्यू.आई.आई.टी) या ग्वसालय् सूचना  प्रविधि व्यवसाय विकासय् मिसापिन्त सशक्तिकरण यायेत मिजंपिनिगु सहभागितायात कयाः विशेष ज्याझ्वः जुइगु जूगु दु ।

नेपालय् जुयाच्वंगु सूचना व प्रविधिइ मिसापिनिगु सहभागिता अनिवार्य तायेकाः थथे ज्याझ्वः यायेत्यनागु खँ ग्वसाः खलकं धाःगु दु ।
थ्वहे वइगु मार्च २ तारिख (फागुन १९ गते) शनिवाः प्राईम कलेज खुसिबुइँ उगु ज्याझ्वः जुइगु जानकारी ग्वसाः खलःया नायः गुणकेशरी मानन्धर प्रधानं जानकारी बियादीगु दु ।

वय्कलं बियादीगु जानकारी कथं ज्याझ्वःया मूपाहाँ कथं येँ महानगरपालिकाया उपप्रमुख सुनिता डंगोलयात ब्वनातःगु दुसा अथेहे,

सूचना व प्रविधिइ आबद्ध थीथी प्रतिष्ठित व्यक्तिपिन्त नं उगु ज्याझ्वलय् ब्वनातःगु दु ।

नायः प्रधानं थुगु ज्याझ्वःपाखें सूचना व प्रविधिइ ज्या यानाच्वंपिं मिसापिनिगु नितिं छगू हःपाः जुइगु भलसा काःगु दु ।

Categorized in कला