nepal investment baink

सुरेन्द्र मानन्धरया म्युजिक भिडियो सच्छिगु थ्यनिन

नेवा: अनलाइन न्युज – विजयरत्न | २०८० भाद्र २२, शुक्रबार १०:५१:३८

समयबजि नांयागु टिभि ज्याझ्वः न्ह्याका लोकंह्वाम्ह कलाकःमि सुरेन्द्र मानन्धर छम्ह कलाकार , छम्ह च्वमि जक मखसे निर्देशक नं खःसा म्युजिक भिडियोख्यलय् तसकं ल्हाःन्ह्याम्ह नं खः । वयकया निर्देशनय् च्येपुग्वीपुति म्युजिक भिडियो पिहाँवये धुंकुगु दुसाः याकनं हे थुकिया ल्याः सच्छि थ्यनिगु खँ वयकया परिकल्पना व निर्देशनय् बिहिबार पितब्वज्या जूगु ू स्वां छफ्वः ” म्येया ज्याझ्वलय् जानकारी बिउगु खः ।

पूर्व राज्यमन्त्री रामबीर मानन्धर मूपाहाँ कथं झायादीगु उगु ज्याझ्वलय् नेपालभाषाया न्हापांम्ह म्युजिक भिडियो निर्देशक विजयरत्न असंबरे , नेवाः पत्रकार राष्ट्रिय दबूया नायः नृपेन्द्र लाल श्रेष्ठ व पेजथ्री पत्रिकाया सम्पादक दर्शनवीर शाक्य विशेष पाहाँ कथं झायादीगु खः। उगु म्युजिक भिडियो वयकपिन्सं मंका कथं पितब्वज्या यानादीगु खः ।

सुरेन्द्र मानन्धर व रबिता बके श्रेष्ठ या मेनरोल दुगु उगु म्येय् रेवन्त लाल श्रेष्ठ,सुरेश मानन्धर,ध्रुब कपालि,लक्ष्मी श्रेष्ठ,रोजिता साहुखलः लगायतं अभिनय यानादीगु दु । ओमशंकर श्रेष्ठं च्वयादीगु थ्व म्ये प्रविन चन्द्र बज्राचार्यं हालादीगु खःसा वयकलं हे लसय् हनादीगु खः । दिपेश सिंहया म्युजिक अरेन्ज यानादिगु खः।

थ्व भिडियो या किपालुमि बालकुमार मगर व सम्पादक इन्द्र मानन्धर खः ।

Categorized in कला