zero media family planning adv

सुरतश्री महाविहारया नायः मेरुहर्ष बज्राचार्य मन्त

नेवा: अनलाइन न्युज – ललेन्द्र शाक्य | २०७७ चैत्र २३, सोमबार १३:२४:५९

येँ महानगरपालिका २७ वडा असं त्वाःया सुरतश्री महाविहार (तःछेँ बहाः)या नायः मेरुहर्ष बज्राचार्य (सानुराजा बज्राचार्य) मन्त ।

८३ दँया बज्राचार्य छुं दिं न्ह्यःनिसें म्हं मफयाः हिमालय अस्पतालय् वासः याकातःगु खः ।

मदुम्ह बज्राचार्य बौद्धधर्मया अध्ययनशील व्यक्ति खःसा ताःईतक वय्कलं नेपाःया पर्यटन प्रवद्र्धनय् ज्या यानादीम्ह खः । लिसें वय्कः नांजाःम्ह बौद्ध विद्धान इतिहासकार पुण्यहर्ष बज्राचार्यया चीधिकःम्ह किजा खः ।

मदुम्ह बज्राचार्यया अन्तिम संस्कार येँया शोभाभगवती कर्णदीपय् थौं सोमवाः क्वचाःगु दु । वय्कःया जहान, निम्ह काय् व निम्ह म्ह्याय् दी ।

Categorized in नेवाः