nepal investment baink

सुया गुलि अप्वः पहुँच दु, उलि हे भ्रष्टाचार व लुट जुयाच्वंगु दु : प्रभु साह

नेवा: अनलाइन न्युज – ललेन्द्र शाक्य | ने.सं. ११४४ पोहेलागा द्वादसी

मुलुकय् भ्रष्टाचार व्याप्त जुयाच्वंगु आम जनता पार्टी (आजपा)या नेता प्रभु साह नं धाःगु दु ।

बुधवाः प्रतिनिधिसभाया बैठकय् न्वःवासें साह नं धाःगुदु, ‘देसया आर्थिक अवस्था जर्जर जुजुं वनाच्वंगु दु । आर्थिक अवस्था भयावह जूगु दु । देस आर्थिक असफलताया तगारोय् दनाच्वंगु दु ।’

मुलुकय् न्ह्याम्हेस्यां नं भ्रष्टाचार याइगु अवस्था खनेदूगु धासें साह नं गन सुनां न्ह्याम्हेस्यां नं लुटेयायेगु थें स्थिति खनेदूगु धाःगु दु । साह नं धाःगु दु, ‘गुलि सुया पहुँच दु वपाखें उलि हे भ्रष्टाचार व लुट जुयाच्वंगु दु ।’

सम्पत्ति लुटेयाइपिन्सं नं स्याबासी कायेखनाच्वंगु धासें साह नं भ्रष्टाचारविरुद्ध जनतां हे सशक्त रुपं सः थ्वयेकेमाःगु धाःगु दु ।

नेपाल राष्ट्र बैंकं आः नकतिनि सार्वजनिक याःगु सर्वेक्षणं खुलाया दुने ७ अर्ब रेमिट्यान्स वःगु खनेदूगु धासें वं आपालं रेमिट्यान्स वयेवं लसता पिज्वयेके म्वाःगु धाःगु दु ।

सांसद साह नं धाःगु दु, ‘जिं न्यने चाहेजू, खुदँ न्ह्यः गुलि युवा विदेश वंगु खः ? आः गुलि विदेश वन ? आः गुलि युवापिं विदेशय् ज्या यानाच्वंगु दु ? गुलि युवां गुलि कमेयाइ व वपाखें गुलि दां वयेमाःगु खः ? जनतायात थुइकेगु जरुरी दु ।’

जिम्मेवारीइ च्वनाच्वंपिनिगुपाखें हे भ्रष्टाचार जुइगु जुयाच्वंगु सांसद साहया धापू दु । साह नं धाःगु दु, ‘तःधंगु ओहोदाय् च्वंपिन्सं थःपिं पदय् दुबलय् तक लुटेयाइगु अले इन्ड जुइगु इलय् पीआर व ग्रिनकार्ड कयाः पिहाँ वनेगु ? पहुँचवालाया काय् म्ह्याय्न्हापा हे छ्वइगु व देसयात कंगाल यानाः थः वनेगु ?’

बैंकं मनोमानी ब्याज कायेगु यानाच्वंगु न्ह्यथंसें सांसद साह नं लघुवित्तया विषयस नं न्ह्यसः तःगु दु । साह नं न्यंगु दु, ‘झिगू करोडपाखें न्ह्याःगु लघुवित्त न्यादँय् खर्बौंया दुने थ्यनी । थ्व गुकथं जुइ ?’

Categorized in राजनीति