prabhu baink new

सुमनया सलय् सरीताया अभिनय : भुतुमाली ब्वःथे

नेवा: अनलाइन न्युज – ललेन्द्र शाक्य | २०७७ आश्विन ३०, शुक्रबार १५:२६:५२

बुदिंया भिंतुना म्येकासापाखें उत्कृष्ट जुयाः नेपालभाषा संगीत ख्यलय् थौंकन्हय् बुलुहुँ बुलुहुँ बय् बय् जुजुं वयाच्वंम्ह ख्वपया म्येहालामि मयजु सुमन मानन्धरया यइपुगु सः दुथ्याःगु ...भुतुमाली ब्वःथें...बोलया म्येया म्यूजिक भिडियो थौंकन्हय् दुने हे याकनं हे पिदनेत्यंगु दु ।

बरिष्ठ म्येच्वमि प्रकाशदीप श्रेष्ठया च्वसां पिज्वःगु थुगु म्येया संगीत व संगीत संयोजन नांजाःम्ह संगीतकःमि जुगल डंगोलं यानादीगु दु ।

थुगु म्येया म्यूजिक भिडियोया छायांकन निसें सम्पादनया ज्या क्वचायेधुंकूगु दुसा छन्हु निन्हुया दुने हे म्यूजिक भिडियो सार्वजनिक यायेगु कुतः निर्माण पुचलं यानाच्वंगु दु ।

कीर्तिपुर : द लिजेण्ड अफ कीर्तिलक्ष्मी...किपूया ऐतिहासिक संकिपाया निर्देशक प्रदीप खड्गीं निर्देशन व सम्पादन यानादीगु थुगु म्यूजिक भिडियोय् थौंकन्हय् बय् बय् जुयाच्वंम्ह नकिं अर्थात् म्यूजिक भिडियो मोडल सरीता बज्राचार्यलिसें थीथी कलाकारपिन्सं अभिनय यानातःगु दु ।

नेपालभाषा म्यूजिक भिडियो ख्यलय् छगू न्हूगु नां तर पुलांगु अनुभव ज्वनावःम्ह क्यामेरा पर्सन रक्की महर्जनया छायांकनय् निर्माण जूगु ...भुतुभाली ब्वःथें...म्यूजिक भिडियोय् क्यामेरा पर्सन रक्की महर्जनयात अमन महर्जनं सहायक क्यामेरा पर्सन जुयाः ग्वाहालि यानातःगु दु ।

मतिना महर्जन मेकअप आर्टिष्ट जुयाः पिदनेत्यंगु थुगु म्यूजिक भिडियोया म्ये अर्टोमस स्टुडियोस रिकर्ड यानातःगु दु ।

Categorized in कला