Header Nepal rastra bank Adv

सुब्बानिसें हाकिमतक ज्याकुथिइ हे अयलाखय् मस्त

नेवा: अनलाइन न्युज – ललेन्द्र शाक्य | २०७९ श्रावण १८, बुधबार १०:४७:०९

जिल्ला कृषि विकास ज्याकुथि जाजरकोटया प्रमुख रविन धिताललिसें मेपिं कर्मचारी कार्यकक्षय् हे अयलाः सेवन यानाच्वंगु किपाः आः सामाजिक संजालय् भाइरल जुयाच्वंगु दु ।

ज्याकुथि प्रमुख, प्रशासन अधिकृत, सुब्बा, लेखापाल, कृषि प्राविधिकलिसें कार्यकक्ष परिसरय् हे अयलाः सेवन यानाच्वंगु अवस्थाया किपाः नेत्रविक्रम चन्द विप्लव नेतृत्वया नेकपाया कार्यकर्तां सामाजिक संजालय् तयेधुंकाः आः उगु किपाः व्यापक रुपं भाइरल जुयाच्वंगु खः ।

किपातय् अयलाः त्वनाच्वंपिन्सं मंगलवाः बहनी सनिलय् हे ज्याकुथिया ध्वाखा बन्द यानाः नागरिक कक्षय् च्वनाः अय्ला वियर त्वंगु खः ।

Categorized in दुर्घटना-अपराध