zero media family planning adv

सुनसरीइ मिँ च्यात

नेवा: अनलाइन न्युज | २०७६ मङ्सिर २२, आइतबार १०:२१:२३

सुनसरीया इटहरी चोकय् च्वंगु सूर्य कम्प्लेक्सय् मिँ च्याःगु दु । शनिवाः बहनी थ्यंमथ्यं १२ ता इंनिसें च्याःगु मिँ आइतवाः सुथय् थ्यंमथ्यं ४ ता इलय् नियन्त्रणय् काःगु इलाका प्रहरी ज्याकुथि इटहरीं जानकारी ब्यूगु दु ।

न्यागू तल्लाया सूर्य कम्प्लेक्सया न्यागूगु तल्लाय् च्वंगु विग बार रेष्टुरेन्टं च्याःगु मिँ मेमेगु पसलय् नं सरेजुजुं च्याःगु खः ।

मिँपाखें जूगु क्षतिया धलः मवःनिगु इलाका प्रहरी ज्याकुथि इटहरीया डिएसपी धर्मराज भण्डारीं जानकारी ब्यूगु दु ।

अय्सां रेष्टुरेन्ट संचालक किरण बुढाथोकीं धाःस २ करोड ५० लखसिबें अप्वःया क्षति जूगु अनुमान याःगु दु ।

मिँ नियन्त्रणया नितिं इटहरी, विराटनगर, धरान, इनरुवा, सुन्दरहरैचा लिसेंया थासं ९ गः दमकल वयाः मिँ नियन्त्रणय् काःगु खः ।

Categorized in दुर्घटना-अपराध