नेवा: अनलाइन न्युज – ललेन्द्र शाक्य | ने.सं. ११४४ बछलाथ्व सप्तमी (२०८१ जेष्ठ २ गते) बुधवाः

नेकपा एमाले सुदूरपश्चिम संसदीय दलया बैठकं मुख्यमन्त्री दीर्घबहादुर सोडारीयात विश्वासया मत बिइगु तर तत्काल सरकारय् सहभागी मजुइगु निर्णय याःगु दु ।

प्रदेश संसदीय दलया नेता राजेन्द्र सिंह रावलया नायःसुइ बुधवाः च्वंगु बैठकं मुख्यमन्त्रीयात विश्वासया मत बिइगु निर्णय याःगु खः ।

प्रदेशसभा दुजः धर्मराज पाठकं मुख्यमन्त्रीयात विश्वासया मत बिइगु तर तत्काल सरकारय् मवनीगु निर्णय जूगु जानकारी ब्यूगु दु । वया कथं सरकारया न्यूनतम मंकाः ज्याझ्वःया नितिं सत्तारुढ दललिसे सहलह यायेगु निर्णय तकं जूगु दु ।

मुख्यमन्त्री सोडारीं बिहिवाः विश्वासया मत काइगु जूगु दु । उकिया नितिं सुथय् १०ः१५ ता इलय् प्रदेशसभाया बैठक सताःतःगु दु ।

Categorized in राजनीति