ad prabhu

सुकुम्वासीपिन्त ६ आना जग्गा बीगु निर्णय पायछि मखु –हलिं नेवाः दबू

नेवा: अनलाइन न्युज – विजयरत्न | २०७७ बैशाख ३०, मंगलबार ०९:२८:०१

थौकन्हय् हलिमय् न्यंक्कभनं नेवाःत च्वनाः वयाच्वंगु दुसा थथे  हलिंन्यंकं च्वनाच्वंपिं नेवाःतय् छत्र संगठन हलिं नेवाः दबूपाखें नेपाल सरकारं सुकुम्वासीपिन्त ६ आना जग्गा बीगु धकाः याःगु निर्णयप्रति विरोध प्वंकूगु दु ।

अनलाइनया माध्यमं च्वंगु दबूया केन्द्रीय मुँज्याय् थुगु विषयस सहलह यासें हलिंन्यंकलिसें नेपालय् नं कोभिड १९ या संक्रमण न्यनाः सकलें लकडाउनय् च्वनाच्वंगु इलय् सुकुम्वासी आयोग हयेगु लिसें थुकथंया निर्णय यायेगु पायछि ज्या मखूगु धाःगु खः ।

स्वनिगःया रैथाने नेवाःतय्त विस्थापित यायेगु कथंया पलाः नेपाल सरकारपाखें ल्ह्वन धाःसा नेपाःया सकल खलः पुचः सकलें जानाः दबूपाखें नेपाल सरकारयात अन्तर्राष्ट्रिय कानून कथं मुद्दा न्ह्याकेगु निर्णय जूगु दबूया नायः सिजन श्रेष्ठं जानकारी बियादिल ।

दबूया अनलाईन वैठकय् नेपाललिसें अमेरिका, क्यानडा, लन्डन, इजरायल व थीथी युरोपीय देशय् च्वनाच्वंपिं ज्यासना पुचःया दुजःपिनिगु ब्वति दुगु खः ।

Categorized in नेवाः