नेवा: अनलाइन न्युज – ललेन्द्र शाक्य | २०७९ चैत्र २, बिहिबार १५:४१:४५

थ्वहे वइगु ने.सं. ११४३ चिल्लागा एकादसी (चैत्र ४ गते) शनिवाः येँया प्रदर्शनीमार्गय् च्वंगु रत्न राज्यलक्ष्मी क्याम्पसया सुकुन्दा साहित्य पाःलाःया ग्वसालय् नेपालभाषाया महाकवि गिरिजाप्रसाद जोशीया ८५क्वःगु बुदिं तःजिक हनीगु जूगु दु ।

नारायण परिवार क्लब चक्रमान डंगोल प्रतिस्थान ओन्दे टेकूइ जुइगु उगु ज्याझ्वलय् साहित्यकार समालोचक प्राज्ञ ध्रुव मधिकःमि, साहित्यकार नरेनमान महर्जन, अर्जुन नेपाःमि, म्येहालामि मिनर्वा बज्रार्चाय शाक्य, चन्द्रबहादुर माइला लगायतपिनिगु ब्वति दैगु जानकारी ग्वसाः खलकं ब्यूगु दु ।

उगु ज्याझ्वः सुथसिया च्याता इलय् न्ह्याइगु जानकारी बिसें ग्वसाः खलकं उगु ज्याझ्वलय् ब्वति कया थःथःगु चिनाखँ म्येलिसें साहित्यिक रचना वाचन याना थःगु प्रतिभा न्ह्यब्वये फइगु सुकुन्दा साहित्य पाःलाःया छ्याञ्जेलिसें ज्याझ्वःया कजि रिदेन महर्जनं जानकारी बियादीगु दु ।

अथेहे, उगु ज्याझ्वलय् ब्वति कायेत स्वापूया नितिं रिदेन महर्जन ९८४९१३२७८८, प्रशान्त डंगोल ९९८५११२१८७३०, रितेश मल्ल ९८४३९३६७४४, सुनिल महर्जन ९८४९०८७८५४, सुमित रञ्जित ९८४३९८७३१३, सुरोज तण्डुकार ९८६००२२४८०, सुगन्ध राजकर्णिकार ९८५१०७९२८९, मनिस मानव ९८४९३९१४४०, नरोत्तम बज्राचार्य ९८०३७५०५७७ नम्बर सार्वजनिक याःगु दु ।

नेपालभाषा साहित्यिक ख्यलय् बियादीगु योगदानयात उच्च मुल्यांकन यासें  रत्न राज्यलक्ष्मी क्याम्पसया ख्वाःपौ (मुखपत्र) सुकुन्दा साहित्य पाःलाःपाखें थीथी ज्याझ्वः यानाः हनेत्यंगु खः ।

Categorized in नेवाः