zero media family planning adv

सी न्ह्यः मनूत छु छु खय् पश्चाय् ताइ ?

नेवा: अनलाइन न्युज | २०७२ भाद्र १४, सोमबार १८:०७:२७

ब्रोनीया नांया छम्ह च्वमिं थः सिइन्ह्यः मनूतय्सं छुछु ख“य् विचाः याइ व गुकथं पस्चाय् ताइ धइगु विषययात कयाः गहन अध्ययन व अनुसन्धानलिपा सफू बजारय् हःगु दु । उगु सफुती मनूत सी न्ह्यः न्यागू ख“य् पस्चाय्ताइगु ख“ न्ह्यथनातःगु दु ।
न्हापांगु ख“ ः अप्वः मनूत थःगु जीवनया अन्तिम इलय् थःगु इच्छा व थःगु म्हगस यात स्वयेगु याइ । अले थःपिनिगु इच्छा जीवनया म्हगस गुलि पूवन, गुलि मवन, थुकिया मूल्यांकन यायेगु सुरु याइ । अप्वःसियाला बच्छि नं इच्छा व जीवनय् थःपिसं खंकूगु म्हगस पूवनी मखु । अले थथे पूमवंगु कारण छु खः ? मालेत स्वइ । तर इलं मलात आः छु याये फइ धकाः लुमंका जक च्वनी ।
निगूगु ख“ ः अप्वः धयाथें मिजंत जीवनय् थः मस्त्र, कलाः, थःथिति नाप गुलि ई बीमाःगु खः बीमफुत धकाः दुःख तायेकी । थःगु जीवन थः थुकथं व्यस्त जुयागु ख“य् पस्चातायेकी, व जिं ई दुबलय् हे परिवारयात ई बीमाःगु बीमफुत जीवन गुलि न्ह्यः थुइकेमाःगु खः, उलि मजुल धकाः नुगः मछिंकी ।
स्वंगूगु ख“ ः अप्वः धयाथें मनूत थःगु जीवनय् सम्झौता यानाः म्वाये माली । अन्ततः सीन्ह्यः मनूत पश्चाताइ । जिं उबले थ्व सम्झौता याये मज्यूगु व सम्झौता याये मज्यूगु धकाः । अले गुलिखे थःपिसं याःगु सम्झौता बांलाःगु हे खः धकाः आनन्दित जुइ ।
प्यंगूगु ख“ ः अप्वया अप्वः मनूत सी छवाः न्ह्यःनिसें थः पुलांपिं पासापिनि महत्व थुइकी खनी । अले थःपिनि दैनिक जीवन गुलि व्यस्त जुल कि पुलांपिं पासापिं हे नाप लायेत जिं ई फ्यायेमफुत धकाः दुःख तायेकी । अले जि थःगु स्वार्थया नितिं गुलि थःथिति व पासापिन्त धोखा बिया उमित जक छकः नाप लानाः क्षमा फ्वने दःसा ज्यू धकाः विचाः याइ ।
न्यागूगु ख ः मनूत सीगु अन्तिम इलय् थःपिनिगु बारे मेपिसं छु विचाः यात जुइ धकाः च्यूताः काइ । थःपिसं यक्व मनूतय्त खुसी व सुख बिइफुगु खः तर यायेमफुत धकाः पश्चाताप याइ । थथे प्याखं स्वयाच्वंथें सी न्ह्यः छचाखेरं थःगु जीवनया विगतय् ज्याख न्ह्यः ववं हे मनूतय्सं अन्तिम सास त्वःता वनी । (एजेन्सी पाखें)