नेवा: अनलाइन न्युज – ललेन्द्र शाक्य | २०७९ फाल्गुण २६, शुक्रबार ११:४२:०३

सी जिनपिङ स्वक्वःगु कार्यकालया नितिं चीनया राष्ट्रपति जूगु दु । जिनपिङ १४ क्वःगु राष्ट्रिय जनकंग्रेसया जुयाच्वंगुु अधिवेशनपाखें शुक्रवाः सर्वसम्मतिं राष्ट्रपतिइ निर्वाचित जूगु खः ।

ग्रेट हल अफ द पिपलय् उपस्थित नेशनल पिपुल्स कंग्रेस (एनपीसी) या थ्यंमथ्यं स्वद्वःम्ह दुजःपिन्सं ६९ दँया सीयात सर्वसम्मत रुपं राष्ट्रपतिइ ल्यःगु समाचार एजेनसी सिन्ह्वां जानकारी ब्यूगु दु । थ्वलिसें सी जिनपिङं माओत्से तुङलिपाया दकले अप्वः शक्तिशाली नेताया रुपं थःगु पकड बल्लाकूगु दु ।

सीविरुद्धय् सुं प्रतिस्पर्धी मदुगु खः । सी देशया केन्द्रीय सैनय आयोगया नायः पदय् नं स्वक्वःगु कार्यकालया नितिं सर्वसम्मत निर्वाचित जूगु दु ।

अथेहे, झाओ लेजी संसदया न्हूम्ह सभामखु व हान झेंग न्वकू पदय् निर्वाचित जूगु दु ।

Categorized in अन्तर्राष्ट्रिय