prabhu baink new

सिन्धुपाल्चोक बाह्रबिसे चलः, २८ म्ह बेपत्ता, सीपिं ३ म्ह लुल

नेवा: अनलाइन न्युज – ललेन्द्र शाक्य | २०७७ भाद्र २८, आइतबार १०:३३:५४

सिन्धुपाल्चोकया बाह्रबिसे नगरपालिका ७ या स्वंगू थासय् चलः कुतुंवयाः बेपत्ता जूपिंमध्ये स्वम्हेसिगु सीम्ह लुयावःगु दुसा २८ म्ह बेपत्तत्रा जूगु दु ।

चलः कुतुंवःगु थासय् मालेगु ज्या याःबलय् नागपुजेया ६५ दँया भक्तिमाया श्रेष्ठ, भीरखर्कया बिक त्वाःया २३ दँया जुनुमाया बिक व नेवाः त्वाःया ६० दँया सर्किनी नेवाःया सीम्ह लुयावःगु जिल्ला प्रहरी ज्याकुथि सिन्धुपाल्चोकया डिएसपी प्रकाश सापकोटां जानकारी ब्यूगु दु ।

वंगु चान्हय् तच्वकं वा वःगुलिसें कुतुंवःगु चलखं बाह्रबिसे नगरपालिका  ७ य् लाःगु घुम्थांगया नागपुजे, भीरखर्क व नेवाः त्वालय् छेँत ल्हाःगु दु । 

डिएसपी सापकोटाया कथं आःतक ११ खा छेँय् क्षति जूगु जानकारी वःगु दु ।

घटनास्थलय् नेपाली सेना, सशस्त्र प्रहरी व नेपाल प्रहरीया पुचः उद्धारय् खटेजूगु दु । 

सभामुख अग्नी सापकोटालिसेंया पुचः नं थौं आइतवाः हे सुथय् स्थलमार्गपाखें चलखं लिच्वः लाकूगु क्षेत्रय् थ्यंकूगु दु ।

Categorized in दुर्घटना-अपराध