nepal life 2076 3 18

सिन्धुपाल्चोकया हेलम्बुइ मिँ च्यानाः स्वम्ह मचात सित

नेवा: अनलाइन न्युज – ललेन्द्र शाक्य | २०७८ मङ्सिर ७, मंगलबार १४:०६:२६

सिन्धुपाल्चोकया हेलम्बुइ मिँ च्यानाः स्वम्ह मचात सीगु दु ।

गाउँपालिका ७ सुर्सिङ गांया झाक्रि त्वालय् स्थानीय सञ्च तामाङया गोठय् मिँ च्यानाः उपिं मचात सीगु खः ।

सीपिं सञ्च तामाङया खुदँ दुम्ह काय् मनोज, वहे गांया सुकमान तामाङया न्यादँ दुम्ह काय् मनिष व वहे गांया साइला तामाङया न्यादँ दुम्ह काय् दिलबहादुर जूगु प्रहरी नायव उपरीक्षक दक्षकुमार बस्नेतं जानकारी ब्यूगु दु ।

ल्वहँ, चा व टिनं भुनातःगु छगू तल्लाया गोठय् सोमवाः सनिलय् कःनि स्यः व गंगु नलय् मिँ च्याःबलय् दुर्घटना जूगु प्रहरीं जानकारी ब्यूगु दु ।

मचात जक छेँय् दूगु इलय् मिँ च्याःगु प्रहरीं धाःगु दु ।

Categorized in दुर्घटना-अपराध