Header Nepal rastra bank Adv

सिनाज्या असार म्येया म्युजिक भिडियो पितब्वज्या

नेवा: अनलाइन न्युज – विजयरत्न | २०७९ आषाढ ९, बिहिबार ११:२२:५४

नेपालभाषाया संगीत ख्यलय् छपाः न्हूगु ख्वाःपाः जुया पिलूवःम्ह म्येच्वमि सुरेन्द्र महर्जनं च्वयादीगु सिनाज्या म्येया म्युजिक भिडियो बुधवाः छगू ज्याझ्वःया दथुइ पितब्वज्या जुल ।

ज्याझ्वःया मूपाहाँ नेपाल मजदुर किसान पार्टीया केन्द्रिय छ्यान्जे सांसद प्रेम सुवालं उगु म्युजिक भिडियो पितब्वज्या यानादीगु खः । वय्कलं थः नं छम्ह किसान जुउगुलिं थ्व म्येया प्याखं नं थःत बाँलाक सालाकाःगु खँ कनादिल । थौंकन्हेया राजनैतिक लकस स्यनावना च्वंगु दु धकाः धासे थ्व म्ये प्याखं नं झीसं बुँज्या यायेत बुँ ल्यंकाः तयेमाः धकाः सन्देश बिउगु नं बाँलाः धकाः धयादिल ।

ज्याझ्वलय् लोककवि राजभार्इ जकःमिं म्येया थीथी पक्षयात कयाः दुवाला दिल । म्येच्वमि सुरेन्द्र महर्जनं च्वयादीगु थ्व म्येयात शिव शाहीं लसय् हनादीगु खः ।

शिव शाही व रत्नशोभा महर्जनया नापनापं दिपक महर्जन ,रुपा प्रजापति, मैंंया प्रजापति, सरिता सिन्चुरी, सिरपाः खड्गी व भुपेन शाक्यपिन्सं हालादीगु थ्व म्येया प्याखनय् मंगलदेवी महर्जन, दिपक महर्जन, शान्ता प्रजापति, सुरेन्द्र महर्जन, शान्तराज महर्जन, मैया महर्जन, स्वर्णिमा प्रजापति, बनि महर्जन, मदन श्रेष्ठ, शिला प्रजापति, मेरिका प्रजापति  लगायत आपालं कलाकारपिन्सं अभिनय यानातःगु दु ।

सुरेन्द्र महर्जनया हे निर्देशनय् तयार जुउगु थ्व म्युजिक भिडियोया सम्पादन व क्यामेरा पर्सन राजेन्द्र डंगोल खः ।

Categorized in कला