नेवा: अनलाइन न्युज | २०७३ माघ २९, शनिबार १५:३३:०८

मनूतय्सं गुलि अप्वः ज्या याइ वयात उलि हे अप्वः लःया आवश्यकता जुइ । ज्या म्हो याइपिसं लः नं म्हो जक त्वनीसा, ज्या अप्वः याइपिसं लः नं अप्वः त्वनी । उकिं लःया महत्वयात कयाः न्हापानिसें द्यःया पालय् निसें हे लःइात नं द्यःया महत्व बियातःगु खः । मनूतय्सं लःयात गुलि पवित्र पदार्थ माने यानातःगु दु – लःयात, नीलः, गंगा व थीथी रुपय् पवित्र नापं सम्बोधन यायेगु याः ।
लः त्वनेगु नितिं जक मखु लः वासः नं खः । प्राकृतिक विज्ञानं लःपाखें म्ह स्याःगु तुति स्याःगुनिसें तःतःधंगु ल्वय्या वासः तक याः ।
तर लःया प्रयोग पाय्छिकथं यायेमफुत धाःसा मनूया जीवन मगाःगु थ्व खँ, जीवन नष्ट याइगु पदार्थ नं जुइफु । उकिं लः न्ह्याबलें सफा यानाः जक त्वनेमाः । लः सफा यायेगु विधि यक्व दु । उकि मध्ये दकलय् बांलाःगु विधि धइगु लः दायेकाः त्वनेगु खः । थथे दायेकाः त्वंगु लः माःकथंया स्वच्छ व गुणकारी लिसें हलुकाया लः जुइ । लःयात सफा यानातयेगु खःसा लखय् फिटकिरी तयाः नं लः सफा यानातये ज्यू । अथेहे लखय् आयोडिन तयाः नं सफा याये ज्यू ।
लःया आवश्यकता मनूयात थुभनं जू कि फय् लिपा झीत माःगु तत्व भोजन खः तर लः मदयेक छुं नं जुइमखु । गथे छगू यन्त्र चले यायेगु नितिं हेंग्वाः लः व वाफ माः अथेहे शरीरयात गतिमान बिइगु चेतनाशील यानातयेगु नितिं हावा व जलया आवश्यकता जुइ ।