coved ad

सिंहदरबार दुहाँ वनेगुलि कडाई, पुलांगु पास खारेज

नेवा: अनलाइन न्युज – ललेन्द्र शाक्य | २०७८ पौष २९, बिहिबार ११:२७:०६

सरकारं कोरोना भाइरसया जोखिमया हुनिं धासें सिंहदरबार दुहाँ वनेगुलि कडाई याःगु दु । आः पुलांगु पास खारेज यानाः न्हूगु व्यवस्था याःगु दु ।

गृहमन्त्रालयया प्रवक्ता प्रदीपकुमार कोइरालां विज्ञप्तिपाखें सिंहरदरबार दुनेया सरकारी ज्याकुथिपाखें जारी जूगु फुक्क कथंया पास व अस्थायी म्हसीका पौ खारेज यायेगु निर्णय याःगु दु ।

आः आवश्यकता स्वयाः सम्बन्धित निकायया सिफारिसय् गृहमन्त्रालयया पूर्व सहमति कयाः सम्बन्धित निकायपाखें हे पास जारी यायेगु न्ह्यथंगु दु ।

पत्रकारपिन्सं धाःसा सूच्ना विभागपाखें जारी जूगु म्हसीका पौया आधारय् सिंहदरबार दुहाँ वनेखनीगु जूगु दु ।

Categorized in राष्ट्रिय