nepal life 2076 3 18

साहित्यकार रितादेवीया निगू सफू पिदन

नेवा: अनलाइन न्युज – Bijay Ratna | २०७८ मङ्सिर ९, बिहिबार १०:४०:११

नेपालभाषा साहित्य ख्यःयात थपू यायेगु झ्वलय्  बुधवाः साहित्यकार मय्जु रितादेवी प्रधानया निगू सफू ‘तापालय् थ्वःगु सः’ बाखं मुना व ‘फय् वःगु लँय्’ हाइकु मुना सफूया पितब्वज्या जूगु दु ।

वाङ्मय शताब्दी पुरुष संस्कृतिविद् डा. सत्यमोहन जोशीया मूपाहाँसुइ जूगु उगु ज्याझ्वः नेवाः हाइकु ख्यः व सिर्जना अभियान समाजया ग्वसालय् जूगु खः ।

नेवाः हाइकु ख्यःया नायः सुरेश प्रधानया सभानायःसुइ न्ह्याःगु उगु सफू पितब्वज्या ज्याझ्वलय् दिलबहादुर चित्रकार तुयु पुं, पूर्णकाजी ताम्राकार, डा. पुष्पराज राजकर्णिकार, ध्रुब मधिकःमिं, शाक्य सुरेनपिन्सं साहित्यकार रितादेवी प्रधानया निगू सफू ‘तापालय् थ्वःगु सः’ बाखं मुना व ‘फय् वःगु लँय्’ हाइकु मुना सफूयात कया नुगःखँ तयादीगु खःसा ज्याझ्वलय् अन्तर्राष्ट्रिय नेपाली साहित्य समाजया गीता खत्रीं नं नुगःखँ तयादीगु खः ।

साहित्यकार मयजु पुर्णिमा शाक्यं लसकुस यानादीगु उगु ज्याझ्वलय् सफूया च्वमि थौंकन्हे अमेरिकाय् च्वनाच्वंम्ह साहित्यकार रितादेवी प्रधान मयजुं भर्चुअल माध्यमं थःगु नुगःखँ तयादीगु खः ।

Categorized in नेवाः