nepal investment baink

सावित्रा भण्डारी ‘साम्बा’ वाफ मिसा च्याम्पियनसिपया फाइनल कासाय् ‘आउट’ !

नेवा: अनलाइन न्युज – ललेन्द्र शाक्य | ने.सं. ११४४ सिल्लागा चतुर्थी (२०८० फागुन १६)

नेपाःया मिसा फुटबल टिमया स्ट्राइकर सावित्रा भण्डारी ‘साम्बां’ वाफ मिसा च्याम्पियनसिप फुटबल कासाया फाइनल कासा गुमेयाइगु जूगु दु ।

वाफ च्याम्पियनसिप फिफा विन्डो पिने लाःगुलिं सावित्रा नेपाःया कासा त्वःताः थः आवद्ध फ्रेञ्च क्लब एना भान गुइनगाम्पय् लिहाँ वनेमाःगु जूगु दु ।

बुधवाः अखिल नेपाल फुटबल संघ एन्फां सावित्रां वाफ च्याम्पियनसिपया फाइनल कासा गुमेयाइगु आधिकारिक जानकारी ब्यूगु खः ।

सावित्रालिसेया क्लबया सम्झौता कथं फिफा विन्डोय् थःगु देसया नितिं म्हितेदइगु अनुमति दूगु खः । तर वाफया फाइनल धाःसा फिफा विन्डो दुनेमलाःगु जूगुलिं सावित्रा क्लबय् लिहाँवनेमाःगु खः ।

सावित्रां जोर्डनविरुद्धया कासा गुमेयाइगु जूगु दु । वाफ च्याम्पियनसिया फाइनल कासा फागुन १७ गते बिहिवाः जुइ ।

कासाया प्यंगू कासाय् सावित्रां ९ गोल याःगु दु ।

Categorized in कासा