nepal investment baink

सामाजिक सञ्जाल पाखें अर्नगल प्रचार प्रसार याइपिन्त कारबाही यायेत निर्देशन

नेवा: अनलाइन न्युज | ने.सं. ११४४ चिल्लाथ्व द्वादसी (२०८० चैत्र ८ गते) बिहिवाः

सामाजिक सञ्जालमार्फत् अर्नगल, आधारहीन, भ्रामक सन्देश प्रचारप्रसार याइपिं, जातीय सांस्कृति सद्भाव स्यंकिपिं, राष्ट्रिय एकता, व्यक्तिया गोपनीयताया हक अतिक्रमण लिसेंया ज्या याइपिन्त नियन्त्रण यानाःदोषीयात कारबाही यायेत जिल्ला प्रहरी कार्यालय व जिल्ला प्रशासन कार्यालयया छम्ह छम्ह अधिकृत स्तरया कर्मचारी खटे यानाः डेस्क सञ्चालन यायेत गृह मन्त्रालय निर्देशन जारी याःगु दु ।

गृह मन्त्रालयं ७७ गू जिल्लाया प्रमुख जिल्ला अधिकारीया २१ बुँदे निर्देशन जारी याःगुलिं उगु निर्देशन नं जारी यानातःगु दु । गृह मन्त्रालय नं बुधवाः शान्ति सुरक्षा, सेवा प्रवाह, सुशासन, नियमन, समन्वय व सहजीकरण यायेमाःगु विषयलय् सक्रिय भूमिका निर्वाह यायेत निर्देशन जारी याःगु खः । फुक्क प्रमुख जिल्ला अधिकारीयात शान्ति सुरक्षा व अपराध नियन्त्रण यायेत थथे निर्देशन ब्इूगु खः ।

Categorized in राष्ट्रिय