1142 nhoo dan adv

सामसुङया पारदर्शी टेलिभिजन

२०७२ जेठ ३१, आइतबार १०:३७:३७

सामसुङ कम्पनीं न्हूगु ओलीड टिभी पिकाःगु दु गुगु पारदर्शी जुइसा थुकियात न्हायकं कथं नं छ्यलेज्यू । ५५ इन्चया थुगु टिभीयात हलिंया हे न्हापांगु मिररर्ड ट्रान्सप्यारेन्ट ओलीड डिस्प्ले टिभी धयातःगु दु । थुकियात आः याकनं हे बजारय् पितहइगु जूगु दु ।

ट्विटरं आः १०,००० खँग्वः छ्वयेफइगु

सोसल नेटवर्किङ साइट ट्विटरं थःगु निजी म्यासेजिङ सुविधायात अपडेट याःगु दु । कम्पनीं याःगु न्हूगु अपडेट कथं आः १४० खँग्वलय् कयकुनाच्वंगु ट्विटरय् १०,००० खँग्वःया सुविधा दइ । थ्वसिबें अप्वः खँग्वःया टेक्स्ट धाःसा छ्वये जीमखु । सामान्य छ्यलामिपिंत धाःसा ट्विटरया थ्व सुविधा जुलाइ लिपा जक दइ ।