nepal life 2076 3 18

साफ च्याम्पियनसिप असोज १५ निसें जुइगु, कासाय् न्यागू देय् जक दुथ्याइगु

नेवा: अनलाइन न्युज – ललेन्द्र शाक्य | २०७८ भाद्र ४, शुक्रबार १३:३९:३१

साफ च्याम्पियनसिप फुटबल कासाय् न्यागू देसं सहभागिता क्यनीगु जूगु दु । कासा असोज १५ निसें न्ह्याइगु जूगु दु । 

दक्षिण एसियाली फुटबल महासंघ (साफ)या कथं १३ क्वःगु संस्करणय् नेपाल, भारत, माल्दिभ्स, बंगलादेश व श्रीलंकाया सहभागिता दइ ।

भुटान व पाकिस्तान धाःसा थुगु कासाय् सहभागी मजुइगु जानकारी ब्यूगु दु । पाकिस्तानया फुटबल टिम थुगु इलय् फिफाया निलम्बनय् लानाच्वंगु दुसा भुटानं कोरोनाया हुनि क्यसें कासाय् सहभागी मजुइगु जानकारी ब्यूगु दु ।

कासा असोज १५ निसें २७ गतेतक जुइ । न्हापांगु कासा असोज १५ गते नेपाल व ग्वसाः खलः माल्दिभ्सदथुइ जुइ । नेपालं निगूगु कासा श्रीलंकालिसे असोज १७ गते म्हिती ।

नेपाःया स्वंगूगु कासा भारतलिसे असोज २२ गते जुइ, बंगलादेशलिसे धाःसा नेपालं असोज २४ गते म्हिती ।

लिग चरणया कासा धुंकाः शीर्ष निगू टोलीं उपाधिया नितिं असोज २७ गते म्हिती । साफ च्याम्पियनसिपया नितिं नेपाली राष्ट्रिय टिमं पोखराय् तयारी यानाच्वंगु दु ।

Categorized in कासा