zero media family planning adv

साग मिजं फुटबल कासाय् नेपालं माल्दिभ्सयात बुकल

नेवा: अनलाइन न्युज | २०७६ मङ्सिर २१, शनिबार १६:२७:१२

न्ह्यानाच्वंगु १३ क्वःगु दक्षिण एशियाली खेलकूद ९साग० या मिजं फुटबलय् नेपालं माल्दिभ्सयात बुका विजयी जुगु दु ।

त्रिपुरेश्वरया दशरथ रङ्गशालाय् थौं शनिवाः जुगु कासाय् नेपालं माल्दिभ्सयात २–१ गोल अन्तर बुका फाइनलय् वनेगु सम्भावनायात थाय् दयेकुगु दु । 

१८ मिनेटय्  इब्राहिम महुदी हुसैनं गोल यानाः माल्दिभ्सयात १–० या अग्रता ब्यूगु खः । 

कासाया ४३ मिनेटय् नेपाःया अभिषेक रिजालं छगू गोल यानाः कासा बराबर याःगु खःसा थ्व्या लिपा ५२ मिनेटय् नेपालं विजयी गोल याःगु खः । सुनिल बलं कर्नरय् अनन्त तामाङ हेड गोल यानाः २–१ त्याःगु खः।

 

Categorized in कासा